Сокинону ҷавонони ноҳияи Ванҷ ҷашни 27 - умин солгарди Истиқлолияти давлатии Ҷумҳурии Тоҷикистонро бо як шукӯҳу шахомати хосса ва дар фазои сулҳу фараҳболӣ таҷлил намуданд.

Дар ин бора мудири Бахши кор бо ҷавонон ва варзиши ноҳия Масрур Ғайратов иттилоъ дода гуфт, ки чорабинии фарҳангӣ дар маркази ноҳия, ҷамоати Маҳмадулло Абдуллоев бо ширкати раиси Кумитаи рушди сайёҳии назди Ҳукумати Ҷумҳурии Тоҷикистон Абдуғаффорзода Нумон баргузор гашт.

Раиси кумита ҳозиринро ба ифтихори ин иди бузург табрику шодбош гуфта, дар ҳифзу гиромӣ доштани дастовардҳои соҳибистиқлолӣ ва пешравии ноҳия ба сокинон барору комёбиҳо таманно кард.