Таҳти ин унвон имрӯз дар толори Академияи Воситаҳои ахбори оммаи Тоҷикистон, бахшида ба Рӯзи забони давлатӣ ҳамоиши илмӣ-назариявӣ бо иштироки раиси Академияи ВАО-и Тоҷикистон Саъдӣ Маҳдӣ, намояндаи Кумитаи телевизон ва радиои Ҳукумати Ҷумҳурии Тоҷикистон, намояндагон аз донишгоҳҳои пойтахт ва донишҷӯйёни факултаву бахшҳои журналисткаи Донишгоҳи милли Тоҷикистон, Донишгоҳи славянии Тоҷикистону Русия, Донишкадаи давлатии фарҳанг ва санъати Тоҷикистон ба номи Мирзо Турсунзода иштирок ва суханронӣ намуданд.

Нахуст Саъдӣ Маҳдӣ, раиси Академияи ВАО-и Тоҷикистон ҳамаи иштирокчиёнро ба муносибати Рӯзи забони давлатӣ табрик намуда, иброз дошт, ки “Забон дар ҳамаи давру замонҳо як рукни давлатдорӣ мебошад. Насли имрӯзаи кишвар хушбахтарин насл ба шумор мераванд, зеро забони давлатиро доро ҳастанд ва метавонанд дар тамоми чорабиниҳои байналмилалие, ки дар кишвар баргузор мегарданд, бо забони давлатӣ баромад ва маърӯзаҳо иро кунанд. Бо ҳамин хотир мо бояд доимо забони давлатии худро пос нигоҳ дорем, то ки абадӣ бошад.”

Сипас, аз ҷониби дигар иштирокдорони ҳамоиш дар мавзӯи забони ВАО-и тоҷик маърӯзаҳо ироа гардид.

Наҷиба МУРОДБЕКОВА, “ҶТ”