МУАЛЛИФ: ҲАСАН АЗИЗОВ

Аз маблағи умумии гардиши таҷорати хориҷӣ 3031,0 миллион доллари амрикоӣ ба воридот ва 899,4 миллион доллари амрикоӣ ба содирот рост меояд, ки нисбат ба соли 2015 воридот ба маблағи 404,7 миллион доллари амрикоӣ ё ба андозаи 11,8 фоиз коҳиш ёфта, содирот бошад ба маблағи 8,0 миллион доллар ё 9 фоиз афзоиш ёфтааст.

Каримзода Хуршед, муовини якуми сардори Хадамоти гумруки назди Ҳукумати ҷумҳурӣ, зимни нашасти матбуотӣ гуфт, ки соли 2016 бинобар сабаби идома ёфтани ноустувории вазъияти молиявӣ дар бозори ҷаҳонӣ ва вазъияти сиёсӣ дар як қатор давлатҳо, аз ҷумла пастравии рушди иқтисодиёти шарикони асосии тиҷоратӣ, талабот ба як қатор молу маҳсулоти содиротиву воридотӣ кам гардидааст.

Гуфта шуд, ки соли сипаришуда гардиши тиҷорати хориҷии Тоҷикистон дар маҷмӯъ 3930,3 миллон доллари амрикоиро ташкил медиҳад, ки нисбат ба соли гузашта ба маблағи 396,7 миллион доллари амрикоӣ кам буда, 90,8 фоизро ташкил медиҳад.