КИТОБХОНА
Ҷумъа 26 Апрел 2024 12:16
25 октябр дар бинои Театри давлатии академии опера ва балети ба номи С. Айнӣ Намоишгоҳи ҳафтуми байналмилалии “Китоби Душанбе” оғоз гардид.
Машраб Ибодулло Раҳмон, муовини якуми вазири фарҳанги ҷумҳурӣ, ҳангоми ифтитоҳи намоишгоҳ тамоми иштирокчиёнро хайрамақдам гуфта иброз доштад, ки “маҳз аҳли фарҳанг баҳри ба наслҳои оянда бегазанд расонидани арзишҳои маънавии гузаштагон талош варзида, анъанаҳои таърихии миллатро зинда нигоҳ медорад. Бо дастгирии Ҳукумати кишвар аз моҳи майи соли 2011 инҷониб ҳамасола баргузории намоишгоҳҳои китоб дар пойтахти кишвари азизамон бахшида ба рӯзи китоб ба ҳукми анъана даромада, он аз ҷониби мақомоти олии кишвар, кулли фарҳангиён ва аҳли ҷомеа хуш пазируфта шудааст. Ин чорабинӣ дар таҳкиму густариши равобити фарҳангии кишвари соҳибистиқлоли Тоҷикистон бо мамолики ба мо дӯсту бародар нақши созгор мебозад”.
Таъкид гардид, ки мақсад аз баргузор намудани Намоишгоҳи байналмилалии “Китоби Душанбе”, қабл аз ҳама, саҳмгузорӣ дар рушди соҳаи табъу нашри кишвар мебошад. Инчунин, рушди ҳамкориҳои ноширони тоҷик бо ноширони кишварҳои хориҷӣ ва ба ин васила муаррифии муассисаҳои нашриявии ватанӣ дар арсаи ҷаҳонӣ арзёбӣ гардид.
- Ватани мо рӯз то рӯз ободу зебо гашта, дастовардҳои назаррас дар ҳамаи соҳаҳои хоҷагии халқи мамлакат таъмин гардидааст. Ҳамаи неъмати Истиқлолият, азму иродаи халқу давлат барои равнақи ободонию созандагии сарзамини аҷдодӣ, таҳкими пояҳои давлатдорӣ, густариши ваҳдату ҳамдигарфаҳмӣ ва ҳифзи якпорчагии Тоҷикистони азиз дар нақши хомаи шоирону нависандагон, олимон ва ноширон дар китоб таҷассум меёбад. Тамоми дастовардҳои инсоният тӯли қарнҳо маҳз дар хазинаи китоб ба таври эътимодбахш нигоҳ дошта мешавад. Хизматеро, ки китоб дар инъикос ва ҳифзи таърих адо мекунад, ҳеҷ як шакли чопию электронӣ ба ҷо оварда наметавонад, - гуфт дар идомаи суханронии хеш Машраб Ибодулло Раҳмон, муовини якуми вазири фарҳанги ҷумҳурӣ.
Дар намоишгоҳи мазкур ноширони дохиливу хориҷӣ ва намояндагон аз кишварҳои Русия, Ӯзбекистон, Туркманистон, Қазоқистон, Қирғизистон, Туркия, Фаронса, Украина, Белорус, Корея, Озарбойҷон, Ҳиндустон, Покистон, Афғонистон, Хитой, ИМА ва Бритониё иштирок намуда, маҳсули чопии худро ба маърази тамошо гузоштанд.
Пас аз оғози Намоишгоҳи байналмилалии “Китоби Душанбе” дӯстдорону ҳаводорони китоб ба ҳар гӯшаи омоданамудаи нашриётҳои ватанию хориҷӣ рафта, китобҳои дилписандаи худро ҷӯё мешуданд. Намоишгоҳи мазкур дар воқеъ, ба иди ҳақиқии китоб мубаддал гардида буд.
Ёдовар мешавем, ки намоишгоҳ тӯли се рӯз аз 25 то 27 октябр идома ёфта, дар доираи он конфронси илмӣ дар мавзӯи “Масоили ҳалталаби табъу нашр ва китобхонаҳо дар замони рушди технологияи муосир”, озмуни “Шоҳномасароӣ” бо иштироки хонандагони мактабҳо, муаррифии китобҳои тозанашри муассисаҳои нашриявии ватанӣ ва мубодилаи афкори ноширони ватанию хориҷӣ, маҳфилҳои шеъру суруд, суҳбатҳо ва мизҳои мудаввар баргузор мегарданд.
Машраб Ибодулло Раҳмон, муовини якуми вазири фарҳанги ҷумҳурӣ, ҳангоми ифтитоҳи намоишгоҳ тамоми иштирокчиёнро хайрамақдам гуфта иброз доштад, ки “маҳз аҳли фарҳанг баҳри ба наслҳои оянда бегазанд расонидани арзишҳои маънавии гузаштагон талош варзида, анъанаҳои таърихии миллатро зинда нигоҳ медорад. Бо дастгирии Ҳукумати кишвар аз моҳи майи соли 2011 инҷониб ҳамасола баргузории намоишгоҳҳои китоб дар пойтахти кишвари азизамон бахшида ба рӯзи китоб ба ҳукми анъана даромада, он аз ҷониби мақомоти олии кишвар, кулли фарҳангиён ва аҳли ҷомеа хуш пазируфта шудааст. Ин чорабинӣ дар таҳкиму густариши равобити фарҳангии кишвари соҳибистиқлоли Тоҷикистон бо мамолики ба мо дӯсту бародар нақши созгор мебозад”.
Таъкид гардид, ки мақсад аз баргузор намудани Намоишгоҳи байналмилалии “Китоби Душанбе”, қабл аз ҳама, саҳмгузорӣ дар рушди соҳаи табъу нашри кишвар мебошад. Инчунин, рушди ҳамкориҳои ноширони тоҷик бо ноширони кишварҳои хориҷӣ ва ба ин васила муаррифии муассисаҳои нашриявии ватанӣ дар арсаи ҷаҳонӣ арзёбӣ гардид.
- Ватани мо рӯз то рӯз ободу зебо гашта, дастовардҳои назаррас дар ҳамаи соҳаҳои хоҷагии халқи мамлакат таъмин гардидааст. Ҳамаи неъмати Истиқлолият, азму иродаи халқу давлат барои равнақи ободонию созандагии сарзамини аҷдодӣ, таҳкими пояҳои давлатдорӣ, густариши ваҳдату ҳамдигарфаҳмӣ ва ҳифзи якпорчагии Тоҷикистони азиз дар нақши хомаи шоирону нависандагон, олимон ва ноширон дар китоб таҷассум меёбад. Тамоми дастовардҳои инсоният тӯли қарнҳо маҳз дар хазинаи китоб ба таври эътимодбахш нигоҳ дошта мешавад. Хизматеро, ки китоб дар инъикос ва ҳифзи таърих адо мекунад, ҳеҷ як шакли чопию электронӣ ба ҷо оварда наметавонад, - гуфт дар идомаи суханронии хеш Машраб Ибодулло Раҳмон, муовини якуми вазири фарҳанги ҷумҳурӣ.
Дар намоишгоҳи мазкур ноширони дохиливу хориҷӣ ва намояндагон аз кишварҳои Русия, Ӯзбекистон, Туркманистон, Қазоқистон, Қирғизистон, Туркия, Фаронса, Украина, Белорус, Корея, Озарбойҷон, Ҳиндустон, Покистон, Афғонистон, Хитой, ИМА ва Бритониё иштирок намуда, маҳсули чопии худро ба маърази тамошо гузоштанд.
Пас аз оғози Намоишгоҳи байналмилалии “Китоби Душанбе” дӯстдорону ҳаводорони китоб ба ҳар гӯшаи омоданамудаи нашриётҳои ватанию хориҷӣ рафта, китобҳои дилписандаи худро ҷӯё мешуданд. Намоишгоҳи мазкур дар воқеъ, ба иди ҳақиқии китоб мубаддал гардида буд.
Ёдовар мешавем, ки намоишгоҳ тӯли се рӯз аз 25 то 27 октябр идома ёфта, дар доираи он конфронси илмӣ дар мавзӯи “Масоили ҳалталаби табъу нашр ва китобхонаҳо дар замони рушди технологияи муосир”, озмуни “Шоҳномасароӣ” бо иштироки хонандагони мактабҳо, муаррифии китобҳои тозанашри муассисаҳои нашриявии ватанӣ ва мубодилаи афкори ноширони ватанию хориҷӣ, маҳфилҳои шеъру суруд, суҳбатҳо ва мизҳои мудаввар баргузор мегарданд.
Хабарҳои дигар
Рӯзнома
Эзоҳи худро нависед