КИТОБХОНА
Панҷшанбе 01 Декабр 2022 06:38
2297

ЁРИ ҶАФОПЕША
(Дар ду вазн)

Ёри ҷафопеша зи ман меравӣ,
Карда чаро тарки Ватан, меравӣ.
Пушти дарат бехабарам, ҳамчунон
Ҷони сафаркарда зи тан меравӣ.

Марав аз ман, марав аз ман, марав, ҷон,
Равӣ аз ман, шавӣ охир пушаймон.
Зи роҳат гард, қалбамро ба даст ор,
Ба пеши пот хоҳам гашт қурбон.

Ёри ҷафопеша зи ман меравӣ,
Карда чаро тарки Ватан, меравӣ.
Пушти дарат бехабарам, ҳамчунон
Ҷони сафаркарда зи тан меравӣ.

Намехоҳам зи пешам дур гардӣ,
Ба ҳар як шаҳру деҳ мағрур гардӣ.
Ба додам рас, марав, манро напарто,
Агар қадрам надонӣ, кур гардӣ.


Ёри ҷафопеша зи ман меравӣ,
Карда чаро тарки Ватан, меравӣ.
Пушти дарат бехабарам, ҳамчунон
Ҷони сафаркарда зи тан меравӣ.

ГУЛИ СЕБ

Дил зи ту канда нашуд,
Гули себ, эй гули себ.
Дар Душанбе ба Худо,
Нест мисли ту базеб.

Эй базеб аз ҳама кас,
Кай шавӣ ҳамдами ман?
Кай ба пову сари хеш
Беш созӣ ками ман?!

Ғалатиӣ, ғалатӣ,
Қадакат химчаи тар.
Cадаф аз дурри Адан
Баста дар пешаки бар.

Нуруллоҳи ОРИФ, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Декабр 2022 c.