15 ноябр дар Донишкадаи идоракунии давлатии назди Президенти Ҷумҳурии Тоҷикистон ба муносибати 23-солагии Конститутсия, Рӯзи Президенти Ҷумҳурии Тоҷикистон, Рӯзи Парчами давлатии Ҷумҳурии Тоҷикистон ва “Соли ҷавонон” чорабинии сиёсӣ–маърифатӣ баргузор гардид.

Ректори донишкада Лутфия Абдулхолиқзода устодон ва донишҷӯёнро бо 23–солагии Конститутсия ва Рӯзи Президент табрик гуфта, дар бораи корнамоиҳои Пешвои миллат ва хизматҳои шоистаи ӯ барои ба даст овардани сулҳу суботи кишвар ибрози андеша намуд.

Мудири кафедраи техналогияи иттилоотӣ ва илмҳои табиатшиносӣ, номзади илмҳои педагогӣ Силмон Мавлоназаров дар мавзӯи “Пешвои миллат Эмомалӣ Раҳмон – кафили сулҳи тоҷикон” баромад намуд.

Чорабинӣ бо барномаи фарҳангии магистрантони курси 1-уми ихтисоси “Амнияти компютерӣ” таҳти унвони “Мо – ҷавонон, ҳеҷ гоҳ хизматҳои Пешвои миллатро фаромӯш нахоҳем кард”, ба анҷом расид.