Дар муассисаи таҳсилоти миёнаи умумии рақами 23-и шаҳри Хуҷанд, 27-уми апрел, даври дуюми озмуни “Хонандаи сол -2018” баргузор гардид.

Озмуни мазкур бо мақсади дарёфти наврасону ҷавонони боистеъдод ва соҳиби илму маърифат роҳандозӣ шуда, дар он 9 нафар хонандагони фаъоли синфҳои 10 ва 11-и муассисаҳои таълимии шаҳри Хуҷанд иштирок намуданд.

Ёдовар мешавем, ки чанде пеш даври якуми ин озмун баргузор гашта буд, ки дар он 48 нафар хонандагон иштирок намуда, 9 нафар хонандагони фаъол барои иштирок ба даври дуюм роҳхат гирифтанд.

Дар даври дуюм аз байни 9 довталаб Некрӯз Шораҷабов роҳбари маҳфили стипендиантони ҷавон ва волонтёри фаъоли Раёсати кор бо ҷавонон ва варзиши вилоят сазовори ҷойи аввал гардида, “Хонандаи сол – 2018” эълон карда шуд.