Аз 1-уми июли соли 2023 музди меҳнати кормандони муассисаҳои соҳаи маориф, илм ва стипендияҳо 20% зиëд карда шуд.

Дар ин хусус Саидзода Раҳим, вазири маориф ва илми Ҷумҳурии Тоҷикистон зимни нишасти матбуотӣ иттилоъ дода, қайд намуд, ки бори аввал ду сол пайи ҳам музди меҳнат ба андозаи 20% зиëд шуда истодааст ва ин аз таваҷҷуҳу ғамхории Президенти маҳбуби кишвар, муҳтарам Эмомалӣ Раҳмон дарак медиҳад.

Дар идома таъкид гардид, ки соли 2023 барои соҳаи маориф 7 млрд. 210 млн. 355 ҳазор сомонӣ ҷудо карда шудааст, ки нисбат ба ҳамин давраи соли гузашта 13% зиëд буда, 5,7%-и маҷмуи маҳсулоти дохилӣ ва 18,9%-и Буҷети давлатиро дар бар мегирад.

Р. ОДИНАЕВ,
Г. КАРИМОВА, «ҶТ»