Дар арафаи Рӯзи Президент дар мавзеи Вомари ноҳияи Рӯшон бинои нави Маркази саломатӣ мавриди истифодабарӣ қарор гирифт.

Дар ин бора сардухтури касалхонаи марказии ноҳияи Рӯшон, Худоназар Мардонаев хабар дода, гуфт, ки бинои мазкур бо дастгирии Мақомоти иҷроияи маҳаллии ҳокимияти давлатии ноҳия ва сафоратхонаи Ҷопон дар Тоҷикистон аз нав барқарор гардида, аз 30 утоқи корӣ иборат аст.

Ҳамаи утоқҳо бо техникаву таҷҳизоти муосири тиббӣ ва шароитҳои лозимӣ таъминанд.

Мувофиқи тавзеҳоти мавсуф бинои мазкур бо сифати баланди сохтмонӣ мавриди баҳрабардорӣ қарор дода шуда, бо 20 нафар ниёзмандон дар як вақт хизмат расонида мешавад.

Дар баробари ташхису табобат дар дохили Марказ кормандон метавонанд ёрии худро барои пиронсолони барҷомонда ва ашхоси дорои имконияташон маҳдуд дар манзили зисти онҳо расонанд.