Пас аз 6 рӯзи рақобатҳо дар Чемпионати Осиё миёни наврасон ва мактаббачагон дар шаҳри Ал-Айни АМА ҳама ҷуфтҳои марҳилаи нимниҳоӣ муайян шуданд. Дар ин бора сомонаи федератсияи бокси Тоҷикистон хабар медиҳад.

Бино ба иттилои манбаъ 11 муштзан аз Тоҷикистон ҳунарнамоиро дар марҳилаи нимниҳоӣ идома медиҳанд ва аллакай метавон гуфт, ки наврасони тоҷик 11 медал дар ҳисоби хеш доранд. Танҳо пас аз рақобатҳо муайян мешавад, ки ин медалҳо биринҷӣ, нуқра ва ё тилло хоҳанд шуд.

Миёни мактаббачаҳо Анӯшервон Сидиқов (33 кг), Дилшод Сиҷаев (35 кг), Фирӯзҷон Бойматов (37 кг) Акбарҷон Абдуллоев (58 кг) ба марҳилаи нимниҳоӣ роҳ ёфтанд.

Миёни наврасон Билолҷон Иксанов (54 кг) , Амирбек Маҳрамов (48 кг), Абубакр Азизов (57 кг), Сорбон Нурализода (66 кг), Умарҷон Асроров (63 кг) миёни писарон ва Фариноз Абдуллоева (54 кг) бо Мино Аъзамзода (60 кг) миёни духтарҳо ба даври нимниҳоӣ баромаданд