Бо ташаббуси мақомоти иҷроияти маҳаллии ҳокимияти давлатии шаҳри Қӯрғонтеппа ва соҳибкорони маҳаллӣ дар арафаи иди саиди Қурбон ва ҷашни 26 - солагии Истиқлолияти давлатии Ҷумҳурии Тоҷикистон ба оилаҳои ниёзманд, иштирокчиёни Ҷанги Бузурги Ватанӣ, маъюбон, нобиноён ва ятимони кул маводҳои ғизоӣ расонида шуданд.

Тавре аз дафтари матбуотии раиси шаҳри Қӯрғонтеппа хабар доданд, аз ҷониби раисони маҳаллаҳои шаҳр ба 505 нафар оилаҳои ниёзманд маводҳои ғизоӣ ва либосҳои мактабӣ тақдим гардид. Аз ҷониби соҳибкорони маҳаллӣ низ ба 950 ниёзманд маводҳои озуқаворӣ, аз қабили равған, орд ва гӯшт кумак расонида шуд.

Дар ин амали хайр ташкилоти ҶДММ «Мирим» ва соҳибкор Абдуҷаббор Хоҷаев низ саҳми худро гузоштанд.

Умед МИРЗОЕВ, «ҶТ»