ҶОМЕА
Сешанбе 30 Апрел 2024 09:59
Дар сурати рушди сайёҳӣ маорифи кишвар низ нумуъ хоҳад кард
Ин Паём чун паёмҳои қаблии Президенти кишвар, муҳтарам Эмомалӣ Раҳмон ҳар як сокини кишварамонро ба он умедвор менамояд, ки кишвари мо новобаста аз вазъи мураккаби сиёсию иқтисодии ҷаҳони муосир таваҷҷуҳи худро ба беҳбуд бахшидани зиндагии мардум сол ба сол зиёдтар намуда, кафолати ҳаёти осоишта ва сулҳу амниятро таҳким мебахшад. Албатта, дар Паём самтҳои зиёди фаъолияти ҳамарӯзаи мо баррасӣ ва таҳлил гардиданд. Аммо нуктаи асосие, ки моро водор месозад, то сари он чанд андешаи худро иброз намоем, ин эълони “Соли рушди сайёҳӣ ва ҳунарҳои мардумӣ” аз ҷониби Пешвои миллат аст.
Аз нигоҳи як омӯзгор мехоҳам фикри худро оид ба он ки рушди сайёҳӣ ба пешрафти маориф чӣ қаробат дорад, иброз намоям.
Ҳадафи аслии ба ин ё он соҳа бахшидани солҳо дар баробари дигар ҷузъиётҳо, пеш аз ҳама, ин боло бурдани сатҳи некуаҳволии мардуми кишвар аст. Пешвои миллат, муҳтарам Эмомалӣ Раҳмон маҳз ба хотири андешидани тадбирҳои лозима ва ба нияти боло бурдани сатҳу сифати зиндагии сокинон таъкид намуданд, ки соли 2018 дар кишвар чун “Соли рушди сайёҳӣ ва ҳунарҳои мардумӣ” эълон карда шавад.
Сарвари давлат таъкид доштанд, ки барои рушди ин соҳа дар кишвар ҳамаи заминаҳои зарурии меъёрии ҳуқуқӣ фароҳам оварда шуда, илова бар ин, як силсила чораҳои ҳавасмандкунӣ низ татбиқ гардидаанд. Ҳамзамон, роҷеъ ба рушди минбаъдаи сайёҳӣ дар кишвар дахл намуда, Пешвои миллат таъкид доштанд, ки Тоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад.
Дар воқеъ, сайёҳӣ яке аз соҳаҳои муҳими ба шуғл фаро гирифтани аҳолии қобили меҳнат, баланд бардоштани сатҳи зиндагии мардум, муаррификунандаи таъриху фарҳанг, табиат, анъанаҳои миллӣ, рушддиҳандаи дигар соҳаҳо, аз ҷумла маориф мебошад. Зеро дар ҳоли рушди сайёҳӣ моро лозим меояд, ки бо донишу биниши сатҳи ҷаҳонӣ ба манзури сайёҳон дастовардҳоеро ба маъраз гузорем, ки диққатҷалбкунанда бошанд. Пӯшида нест, ки имрӯзҳо дар ҳар давлате, ки сайёҳӣ тараққӣ кардааст, соҳаи маориф низ аз он пешрафтатар мебошад. Мисоли ин гуфтаҳоро дар кишварҳое, мисли Олмону Корея, Шветсария ва Амрико, ки аз ҳисоби рушди сайёҳӣ солона миллионҳо доллар фоида мебинанд, дидан мумкин аст. Шак нест, ки дар солҳои наздик дар сурати андешидани тадбирҳои саривақтӣ дар самти рушди сайёҳӣ Тоҷикистони биҳиштосои мо ба мавзеи муҳими сайёҳии минтақа табдил меёбад. Ва ба ин васила дар соҳаи маорифи кишвар низ барои дар якҷоягӣ рушд кардан чораҳои муассир роҳандозӣ хоҳад шуд.
Зоя АЛИМОВА, омӯзгори МТМУ №42, ноҳияи Фирдавсӣ
Ин Паём чун паёмҳои қаблии Президенти кишвар, муҳтарам Эмомалӣ Раҳмон ҳар як сокини кишварамонро ба он умедвор менамояд, ки кишвари мо новобаста аз вазъи мураккаби сиёсию иқтисодии ҷаҳони муосир таваҷҷуҳи худро ба беҳбуд бахшидани зиндагии мардум сол ба сол зиёдтар намуда, кафолати ҳаёти осоишта ва сулҳу амниятро таҳким мебахшад. Албатта, дар Паём самтҳои зиёди фаъолияти ҳамарӯзаи мо баррасӣ ва таҳлил гардиданд. Аммо нуктаи асосие, ки моро водор месозад, то сари он чанд андешаи худро иброз намоем, ин эълони “Соли рушди сайёҳӣ ва ҳунарҳои мардумӣ” аз ҷониби Пешвои миллат аст.
Аз нигоҳи як омӯзгор мехоҳам фикри худро оид ба он ки рушди сайёҳӣ ба пешрафти маориф чӣ қаробат дорад, иброз намоям.
Ҳадафи аслии ба ин ё он соҳа бахшидани солҳо дар баробари дигар ҷузъиётҳо, пеш аз ҳама, ин боло бурдани сатҳи некуаҳволии мардуми кишвар аст. Пешвои миллат, муҳтарам Эмомалӣ Раҳмон маҳз ба хотири андешидани тадбирҳои лозима ва ба нияти боло бурдани сатҳу сифати зиндагии сокинон таъкид намуданд, ки соли 2018 дар кишвар чун “Соли рушди сайёҳӣ ва ҳунарҳои мардумӣ” эълон карда шавад.
Сарвари давлат таъкид доштанд, ки барои рушди ин соҳа дар кишвар ҳамаи заминаҳои зарурии меъёрии ҳуқуқӣ фароҳам оварда шуда, илова бар ин, як силсила чораҳои ҳавасмандкунӣ низ татбиқ гардидаанд. Ҳамзамон, роҷеъ ба рушди минбаъдаи сайёҳӣ дар кишвар дахл намуда, Пешвои миллат таъкид доштанд, ки Тоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад.
Дар воқеъ, сайёҳӣ яке аз соҳаҳои муҳими ба шуғл фаро гирифтани аҳолии қобили меҳнат, баланд бардоштани сатҳи зиндагии мардум, муаррификунандаи таъриху фарҳанг, табиат, анъанаҳои миллӣ, рушддиҳандаи дигар соҳаҳо, аз ҷумла маориф мебошад. Зеро дар ҳоли рушди сайёҳӣ моро лозим меояд, ки бо донишу биниши сатҳи ҷаҳонӣ ба манзури сайёҳон дастовардҳоеро ба маъраз гузорем, ки диққатҷалбкунанда бошанд. Пӯшида нест, ки имрӯзҳо дар ҳар давлате, ки сайёҳӣ тараққӣ кардааст, соҳаи маориф низ аз он пешрафтатар мебошад. Мисоли ин гуфтаҳоро дар кишварҳое, мисли Олмону Корея, Шветсария ва Амрико, ки аз ҳисоби рушди сайёҳӣ солона миллионҳо доллар фоида мебинанд, дидан мумкин аст. Шак нест, ки дар солҳои наздик дар сурати андешидани тадбирҳои саривақтӣ дар самти рушди сайёҳӣ Тоҷикистони биҳиштосои мо ба мавзеи муҳими сайёҳии минтақа табдил меёбад. Ва ба ин васила дар соҳаи маорифи кишвар низ барои дар якҷоягӣ рушд кардан чораҳои муассир роҳандозӣ хоҳад шуд.
Зоя АЛИМОВА, омӯзгори МТМУ №42, ноҳияи Фирдавсӣ
Хабарҳои дигар
Рӯзнома
Эзоҳи худро нависед