Бонки давлатии амонатгузории Ҷумҳурии Тоҷикистон “Амонатбонк” қарзҳои ипотекиро барои сокинони кишвар аз 2 то 4 банди фоизӣ поён бурдааст.

Дар ин бора имрӯз, 2 август Алиҷон Салимзода, раиси Раёсати КВД БА ҶТ "Амонатбонк" зимни нишасти хабарӣ иттилоъ дод.
Ӯ зикр кард, ки дар ин давра шаш қарзҳои ипотекӣ аз 20% то ба 18 % поин карда шуд.

- Дар ин давра ба 28 нафар ба миқдори 7,6 млн. сомонӣ қарзҳои ипотекӣ дода шуд ва бақияи қарз бошад, 28 млн. сомониро ташкил медиҳад.

Бояд гуфт, ки инчунин бонк фоизи қарзҳо ба соҳаи сохтмон 4 банди фоизӣ (22%), ба соҳаҳои саноат (18%), кишоварзӣ (19%), тиҷорат (22%) ва қарзҳои ипотекӣ (харид ва сохтмони манзил 18% ва харидории амволҳои Бонк 14%) 2 банди фоизӣ ва қарзҳои овердрафтӣ (20%) 1 банди фоизӣ паст кардааст.

Мавриди зикр аст, ки "Амонатбонк" қарзҳои ипотекиро дар Ҷумҳурии Тоҷикистон аз соли 2022 шуруъ намуда, муҳлати додани қарзҳои ипотекӣ 10 солро дар бар мегирад.