ҶОМЕА
Якшанбе 28 Апрел 2024 11:19
Кашфи як ҳунару бонуи ҳунарманди деҳотӣ аз ҷониби Пешвои миллат
Ӯ 72 сол дорад. Аз соати 2-и шаб ба кор меравад. Нисфи умри худро сарфи нонпазӣ кардаасту 44 сол боз ба мардуми тоҷик нон мепазад. 14 сол аст дар пойтахт фаъолият мекунад. Роҳи ӯро Сарвари давлат муҳтарам Эмомалӣ Раҳмон кушод ва ӯро аз шаҳри Кӯлоб ба Душанбе овард. Ӯ ба синну соли худ нигоҳ накарда, ҳар рӯз бо чеҳраи кушод ба нонвойхона ворид мешаваду корашро анҷом медиҳад.
Ин ҷо сухан дар бораи зан - модаре меравад, ки маҳз бо дастгириву ғамхориҳои Президенти кишвар муҳтарам Эмомалӣ Раҳмон тавонистааст, ба як тоҷири шинохтаву муваффақе табдил ёбад. Холаи Фариштамоҳ Ашурова нафарест, ки бо пухтани нону кулчаҳои болаззати худ миёни мардум машҳур мебошад.
Холаи Фариштамоҳ аз соли 1975 дар як нонпазхонаи кӯчаки шаҳри Кӯлоб кор мекард ва аз ҳамон замон ҳамчун нонпази хушкор муаррифӣ шуда буд. Имрӯз аз истеъмоли нону чапотиҳои Фариштамоҳ Ашурова, на танҳо мардуми Кӯлоб, балки сокинони пойтахт низ лаззат мебаранд. Дар ин рос-то бемуҳобо метавон гуфт, ки зан-модари тоҷик воқеан ҳунарманд ва шоистаи ҳама гуна таҳсину офаринҳост.
Ҳангоми ворид шудани мо ба корхонаи холаи Фариштамоҳ мизоҷони зиёде интизори дастпухтҳояш буданду холаи Фариштамоҳ бошад, саргарми кори худ. Ҳангоми пухтани нон ӯ бисёр эҳтиёткор буд, кӯшиш мекард, ки сифати нону кулчаҳояш хуб бошанд, то ки мизоҷон нороҳат нагарданд.
Фариштамоҳ ба мо қиссаи чӣ гуна нонпаз шудану зиндагиву фаъолияташ дар шаҳри Душанберо чунин нақл кард.
- Дар давраи ҷанги шаҳрвандӣ корхонаи нонпазӣ аз кор монд, аммо барои зиндагиро пеш бурдан дар хона кор мекардам. Тибқи фармоиш ба тӯйҳо мерафтаму нон мепухтам. Рӯз то рӯз талаботи мардум ба нону чапотӣ зиёд шуд ва шабу рӯз кор мекардам. Ҳамин тавр, дар байни мардум машҳур шудам. Ду духтари калониамро низ ба нонпазӣ ҷалб кардам, то дар оянда ба мардум хизмат кунанд, – гуфт, холаи Фариштамоҳ.
Ӯ номи Сарвари давлат муҳтарам Эмомалӣ Раҳмонро ба забон гирифта, бо як хушҳолӣ чунин иброз намуд: - Ман хушбахтам, зеро аз миёни чанд нафар занони нонпаз Президенти кишвар муҳтарам Эмомалӣ Раҳмон маҳз ба назди ман бо чеҳраи кушоду хандон омаданд. Пешвои миллат ба назди чакдонам омаданду як пора нони чапотиро гирифта, хӯрданд. Ин бароям хушбахтӣ буд. Чун ҳамеша сари чакдон нону кулча мепухтаму мегуфтам, кош як бор кулчаи пухтаи маро Сарвари давлат бичашанд. Ин орзуи деринаи ман соли 2010 ҳангоми сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Кӯлоб ҷомаи амал пӯшид.
Ҳамсуҳбати мо дар идома нақл кард, ки Сарвари давлат чапотии тайёркардаи ӯро истеъмол карда, гуфтанд, ки “Маззаи нони тоҷикӣ беҳамтост”. - Пешвои миллат ҳамзамон бе ягон фикру андеша ба ман рӯ оварда, иброз намуданд: “Агар шуморо ба пойтахт даъват намоем, меравед? Барои сокинону меҳмонони пойтахт нони хушлаззати тоҷикӣ мепазед, ҳунари худро ба ҷаҳониён муаррифӣ мекунед. Шогирд омода мекунед. Бигзор кулчаҳои болаззати шуморо ҳама чашанд ва ба маҳорататон баҳо диҳанд”, - гуфт ҳамсуҳбати мо.
Холаи Фариштамоҳ ме-гӯяд, он вақт ӯро як эҳсоси боварнокарданӣ фаро гирифт ва аз хурсандӣ дар куртааш намеғунҷид. Ҳатто лаҳзае фикр кард, ин ҳама хобу хаёл аст, вале ба худ омад ва дид, ки атрофиёнаш хушҳолӣ доранду ӯро табрик мекунанд.
- Баъди чашидан ва лаззат бурдан Сарвари давлат боз гуфтанд: “Бо ҳамин чапотии омодакардаат душманонро мекушӣ. Аз кӣ ёд гирифтӣ тайёр кардани чапотиро? Ҳар зан чапотиро ин гуна бомазза тайёр карда наметавонад. Ҷойи ин хел чапотиву кулчаву нон дар пойтахти кишвар аст”, - бо табассум ба ёд овард.
Баъди вохӯрии кӯтоҳ бо Пешвои миллат зиндагии холаи Фариштамоҳ куллан тағйир ёфт ва ӯ ба шаҳри Душанбе омада, ба кори доимӣ машғул шуд. Дар пойтахт ӯро на танҳо нонвойхонаи шахсӣ, балки хонаи истиқоматӣ низ интизор буд.
Имрӯз холаи Фариштамоҳ дар маркази шаҳри Душанбе нонпазхонаи нави замонавиро мавриди баҳрабардорӣ қарор додааст, ки бо кумаки духтаронаш кори онро пеш мебарад. Ӯ ҳамроҳ бо ду духтаронаш дар баробари пухтани ҳар гуна нонҳо, аз қабили фатир, чапотӣ, кулча ва гирдачаҳо, боз барои сокинони пойтахт қурутобу шакароб, фатиршӯрбо ва дигар намуди хӯрокҳои миллиро омода мекунад.
Аз гуфтаҳояш бармеояд, ки талабот ба таомҳои миллӣ рӯз то рӯз зиёд мешавад. Ҳамин аст, ки корашро соати дуи шаб оғоз мекунад. Ӯ нақл мекунад, ки дар ҷавониаш дар як рӯз панҷ халта ордро хамир карда, нон мепухт. Ҳоло бошад, зӯраш танҳо ба ду халта мерасад. Ҳамзамон муштариёни зиёде дорад, ки дар тӯю маъракаҳояшон нону кулча бо фармоиши махсус омода мекунад. Ӯ кӯшиш мекунад, касе аз дӯконаш норизову ноумед наравад.
Холаи Фариштамоҳ аз ин ҳунари пурфайзу пурбаракати худ фарзандонашро калон карда, хонадор намудааст. Ӯ орзу дошт, ки бо меҳнати ҳалоли худ зиёрати Каъба кунад. Соли 2018 ба зиёрати Каъба низ рафт.
- Ман ин касбро аз даврони мактабхонӣ аз модарам омӯхтаам. Имрӯз ҳамаи муваффақиятҳоямро аз баракати модарам медонам. Агар модарам ба ман ин ҳунарро ёд намедод, шояд имрӯз ин ҷо набудам.
Холаи Фариштамоҳ бо нигаронӣ мегӯяд: “Ҳар як бонуи тоҷик бояд аз уҳдаи нонпазӣ ба осонӣ барояд. Зеро нон неъматест, ки бе он зиндагӣ кардан душвор аст. Аммо бархе аз модарон ба ҳунари кадбонугии духтарҳояшон кам аҳамият медиҳанд. Ва баъди оиладоршавиашон аз сабаби надоштани ҳунари кадбонугӣ ба мушкилӣ дучор гардида, дучори маломати хонаводаи шавҳар мегарданд, ки он ба ҷудошавии оилаҳои ҷавон оварда мерасонад. Аз ин рӯ, бояд модарони тоҷик ба фарзандони худ омода кардани хӯрокҳои миллӣ ва нону кулчаро ба пуррагӣ ёд диҳанд, то дар зиндагӣ муваффақу ком-ёб гарданд”.
Ба синну соли худ нигоҳ накарда, ин бонуи пурҳунар мегӯяд, то қувват дорад, аз нонпазӣ даст намекашад. Зеро аллакай мизоҷон маззаи дас-ташро фарқ карда метавонанд ва пайваста таъкид мекунанд, ки танҳо аз нонҳои омодакардаи ӯ харидорӣ мекунанд.
- Аз ин рӯ, аз Худованд хоҳони онам, ки пурқувват бошаму ба халқи азизам хизмат кунам, - мегӯяд, холаи Фариштамоҳ.
Ин қаҳрамони мо ҳамасола дар ҷашни Наврӯз, Сада ва Меҳргон нону чапотиҳои худро ба мардум муаррифӣ намуда, боз мизоҷони зиёд пайдо мекунад. Қариб ҳамасола ҳамчун бонуи пурҳунар бо “Сипоснома”-и Мақомоти иҷроияи ҳокимияти давлатии шаҳри Душанбе ва туҳфаҳои хотирмон сарфароз гардонида мешавад.
Дар охири суҳбат холаи Фариштамоҳ бо хушнудӣ чунин баён дошт: “Шукргузор аз онам, ки Худованд ба миллати тоҷик Пешвое дар симои муҳтарам Эмомалӣ Раҳмон ато намудааст. Ҳама файзу баракати мо - мардум аз ғамхориҳои ӯст”.
Наҷиба МУРОДБЕКОВА, “ҶТ”
“Ҷавонони Тоҷикистон”
№05 (9847), 1 феврали соли 2024
Ӯ 72 сол дорад. Аз соати 2-и шаб ба кор меравад. Нисфи умри худро сарфи нонпазӣ кардаасту 44 сол боз ба мардуми тоҷик нон мепазад. 14 сол аст дар пойтахт фаъолият мекунад. Роҳи ӯро Сарвари давлат муҳтарам Эмомалӣ Раҳмон кушод ва ӯро аз шаҳри Кӯлоб ба Душанбе овард. Ӯ ба синну соли худ нигоҳ накарда, ҳар рӯз бо чеҳраи кушод ба нонвойхона ворид мешаваду корашро анҷом медиҳад.
Ин ҷо сухан дар бораи зан - модаре меравад, ки маҳз бо дастгириву ғамхориҳои Президенти кишвар муҳтарам Эмомалӣ Раҳмон тавонистааст, ба як тоҷири шинохтаву муваффақе табдил ёбад. Холаи Фариштамоҳ Ашурова нафарест, ки бо пухтани нону кулчаҳои болаззати худ миёни мардум машҳур мебошад.
Холаи Фариштамоҳ аз соли 1975 дар як нонпазхонаи кӯчаки шаҳри Кӯлоб кор мекард ва аз ҳамон замон ҳамчун нонпази хушкор муаррифӣ шуда буд. Имрӯз аз истеъмоли нону чапотиҳои Фариштамоҳ Ашурова, на танҳо мардуми Кӯлоб, балки сокинони пойтахт низ лаззат мебаранд. Дар ин рос-то бемуҳобо метавон гуфт, ки зан-модари тоҷик воқеан ҳунарманд ва шоистаи ҳама гуна таҳсину офаринҳост.
Ҳангоми ворид шудани мо ба корхонаи холаи Фариштамоҳ мизоҷони зиёде интизори дастпухтҳояш буданду холаи Фариштамоҳ бошад, саргарми кори худ. Ҳангоми пухтани нон ӯ бисёр эҳтиёткор буд, кӯшиш мекард, ки сифати нону кулчаҳояш хуб бошанд, то ки мизоҷон нороҳат нагарданд.
Фариштамоҳ ба мо қиссаи чӣ гуна нонпаз шудану зиндагиву фаъолияташ дар шаҳри Душанберо чунин нақл кард.
- Дар давраи ҷанги шаҳрвандӣ корхонаи нонпазӣ аз кор монд, аммо барои зиндагиро пеш бурдан дар хона кор мекардам. Тибқи фармоиш ба тӯйҳо мерафтаму нон мепухтам. Рӯз то рӯз талаботи мардум ба нону чапотӣ зиёд шуд ва шабу рӯз кор мекардам. Ҳамин тавр, дар байни мардум машҳур шудам. Ду духтари калониамро низ ба нонпазӣ ҷалб кардам, то дар оянда ба мардум хизмат кунанд, – гуфт, холаи Фариштамоҳ.
Ӯ номи Сарвари давлат муҳтарам Эмомалӣ Раҳмонро ба забон гирифта, бо як хушҳолӣ чунин иброз намуд: - Ман хушбахтам, зеро аз миёни чанд нафар занони нонпаз Президенти кишвар муҳтарам Эмомалӣ Раҳмон маҳз ба назди ман бо чеҳраи кушоду хандон омаданд. Пешвои миллат ба назди чакдонам омаданду як пора нони чапотиро гирифта, хӯрданд. Ин бароям хушбахтӣ буд. Чун ҳамеша сари чакдон нону кулча мепухтаму мегуфтам, кош як бор кулчаи пухтаи маро Сарвари давлат бичашанд. Ин орзуи деринаи ман соли 2010 ҳангоми сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Кӯлоб ҷомаи амал пӯшид.
Ҳамсуҳбати мо дар идома нақл кард, ки Сарвари давлат чапотии тайёркардаи ӯро истеъмол карда, гуфтанд, ки “Маззаи нони тоҷикӣ беҳамтост”. - Пешвои миллат ҳамзамон бе ягон фикру андеша ба ман рӯ оварда, иброз намуданд: “Агар шуморо ба пойтахт даъват намоем, меравед? Барои сокинону меҳмонони пойтахт нони хушлаззати тоҷикӣ мепазед, ҳунари худро ба ҷаҳониён муаррифӣ мекунед. Шогирд омода мекунед. Бигзор кулчаҳои болаззати шуморо ҳама чашанд ва ба маҳорататон баҳо диҳанд”, - гуфт ҳамсуҳбати мо.
Холаи Фариштамоҳ ме-гӯяд, он вақт ӯро як эҳсоси боварнокарданӣ фаро гирифт ва аз хурсандӣ дар куртааш намеғунҷид. Ҳатто лаҳзае фикр кард, ин ҳама хобу хаёл аст, вале ба худ омад ва дид, ки атрофиёнаш хушҳолӣ доранду ӯро табрик мекунанд.
- Баъди чашидан ва лаззат бурдан Сарвари давлат боз гуфтанд: “Бо ҳамин чапотии омодакардаат душманонро мекушӣ. Аз кӣ ёд гирифтӣ тайёр кардани чапотиро? Ҳар зан чапотиро ин гуна бомазза тайёр карда наметавонад. Ҷойи ин хел чапотиву кулчаву нон дар пойтахти кишвар аст”, - бо табассум ба ёд овард.
Баъди вохӯрии кӯтоҳ бо Пешвои миллат зиндагии холаи Фариштамоҳ куллан тағйир ёфт ва ӯ ба шаҳри Душанбе омада, ба кори доимӣ машғул шуд. Дар пойтахт ӯро на танҳо нонвойхонаи шахсӣ, балки хонаи истиқоматӣ низ интизор буд.
Имрӯз холаи Фариштамоҳ дар маркази шаҳри Душанбе нонпазхонаи нави замонавиро мавриди баҳрабардорӣ қарор додааст, ки бо кумаки духтаронаш кори онро пеш мебарад. Ӯ ҳамроҳ бо ду духтаронаш дар баробари пухтани ҳар гуна нонҳо, аз қабили фатир, чапотӣ, кулча ва гирдачаҳо, боз барои сокинони пойтахт қурутобу шакароб, фатиршӯрбо ва дигар намуди хӯрокҳои миллиро омода мекунад.
Аз гуфтаҳояш бармеояд, ки талабот ба таомҳои миллӣ рӯз то рӯз зиёд мешавад. Ҳамин аст, ки корашро соати дуи шаб оғоз мекунад. Ӯ нақл мекунад, ки дар ҷавониаш дар як рӯз панҷ халта ордро хамир карда, нон мепухт. Ҳоло бошад, зӯраш танҳо ба ду халта мерасад. Ҳамзамон муштариёни зиёде дорад, ки дар тӯю маъракаҳояшон нону кулча бо фармоиши махсус омода мекунад. Ӯ кӯшиш мекунад, касе аз дӯконаш норизову ноумед наравад.
Холаи Фариштамоҳ аз ин ҳунари пурфайзу пурбаракати худ фарзандонашро калон карда, хонадор намудааст. Ӯ орзу дошт, ки бо меҳнати ҳалоли худ зиёрати Каъба кунад. Соли 2018 ба зиёрати Каъба низ рафт.
- Ман ин касбро аз даврони мактабхонӣ аз модарам омӯхтаам. Имрӯз ҳамаи муваффақиятҳоямро аз баракати модарам медонам. Агар модарам ба ман ин ҳунарро ёд намедод, шояд имрӯз ин ҷо набудам.
Холаи Фариштамоҳ бо нигаронӣ мегӯяд: “Ҳар як бонуи тоҷик бояд аз уҳдаи нонпазӣ ба осонӣ барояд. Зеро нон неъматест, ки бе он зиндагӣ кардан душвор аст. Аммо бархе аз модарон ба ҳунари кадбонугии духтарҳояшон кам аҳамият медиҳанд. Ва баъди оиладоршавиашон аз сабаби надоштани ҳунари кадбонугӣ ба мушкилӣ дучор гардида, дучори маломати хонаводаи шавҳар мегарданд, ки он ба ҷудошавии оилаҳои ҷавон оварда мерасонад. Аз ин рӯ, бояд модарони тоҷик ба фарзандони худ омода кардани хӯрокҳои миллӣ ва нону кулчаро ба пуррагӣ ёд диҳанд, то дар зиндагӣ муваффақу ком-ёб гарданд”.
Ба синну соли худ нигоҳ накарда, ин бонуи пурҳунар мегӯяд, то қувват дорад, аз нонпазӣ даст намекашад. Зеро аллакай мизоҷон маззаи дас-ташро фарқ карда метавонанд ва пайваста таъкид мекунанд, ки танҳо аз нонҳои омодакардаи ӯ харидорӣ мекунанд.
- Аз ин рӯ, аз Худованд хоҳони онам, ки пурқувват бошаму ба халқи азизам хизмат кунам, - мегӯяд, холаи Фариштамоҳ.
Ин қаҳрамони мо ҳамасола дар ҷашни Наврӯз, Сада ва Меҳргон нону чапотиҳои худро ба мардум муаррифӣ намуда, боз мизоҷони зиёд пайдо мекунад. Қариб ҳамасола ҳамчун бонуи пурҳунар бо “Сипоснома”-и Мақомоти иҷроияи ҳокимияти давлатии шаҳри Душанбе ва туҳфаҳои хотирмон сарфароз гардонида мешавад.
Дар охири суҳбат холаи Фариштамоҳ бо хушнудӣ чунин баён дошт: “Шукргузор аз онам, ки Худованд ба миллати тоҷик Пешвое дар симои муҳтарам Эмомалӣ Раҳмон ато намудааст. Ҳама файзу баракати мо - мардум аз ғамхориҳои ӯст”.
Наҷиба МУРОДБЕКОВА, “ҶТ”
“Ҷавонони Тоҷикистон”
№05 (9847), 1 феврали соли 2024
Хабарҳои дигар
Рӯзнома
Эзоҳи худро нависед