2 май иштирокчиёни Фестивали дӯстии ҷавонон таҳти унвони “Дӯст ояд гарм дар оғӯш гир ”, ки бахшида ба Рӯзи ҷавонони Тоҷикистон дар доираи нақша - чорабиниҳои моҳвораи ҷавонон Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии ноҳияи Рӯдакӣ дар ин ноҳия баргузор гардидаистодааст, аз китобхона ва осорхонаи марказии ноҳия дидан намуданд.

Баъдан иштирокчиён аз утоқҳои кории волонтёрон ва кормандони Бахши кор бо ҷавонон ва варзиши ноҳияи Рӯдакӣ боздид намуда, ба шароиту имкониятҳои фароҳамшуда барои волонтёрон баҳои баланд доданд.

Сипас, ҷавонон аз бинои Маракази рушди инаватсионии дар назди ташкилоти ҷамъиятии “Мумтоз” дидан намуда, дар идома онҳо дар маросими гулчамбаргузорӣ дар назди нимпайкараи қаҳрамони халқи тоҷик Сипитамен ширкат варзида, аз боғи фарҳангию фароғатии ноҳия боздид намуданд.

Дар идома иштирокчиёни Фестивали дӯстии ҷавонон таҳти унвони “Дӯст ояд гарм дар оғӯш гир” дар ноҳияи Рӯдакӣ аз осорхонаи ҷоизадори Бозиҳои олимпӣ Расул Боқиев дидан намуданд.
Ҳамчунин, давоми рӯз ҷавонон дар барномаи фарҳангӣ дар ҶДММ “Фирдавсӣ” –и ҷамоати Лоҳур ширкат намуданд.

Дар идома иштирокчиёни фестивал аз Корхонаи истеҳсоли пояфзоли ҶДММ “Сарҷамъ” дидан намуда, бо фаъолияти он ошно гардиданд.

Сипас, ҷавонон аз корхонаи истеҳсолӣ - қолинбарории ҶДММ “Тоҷфейза” боздид намуда, бо фаъолияти корхонаи мазкур аз наздик шинос шуданд. Ба иштирокчиён доир ба чи гуна истеҳсол намудани қолинҳо маълумот дода шуд.

Иштирокчиёни Фестивал дар идомаи сафари худ аз ҳавзҳои моҳипарварии ноҳия дидан намуда, бо тарзи чи гуна дар ҳавзҳо парвариш намудани моҳиҳо ошно гардиданд.

Дар анҷоми рӯз иштирокчиён дар Қасри фарҳанги ноҳия аз барномаи театркунонидашудаи Театри давлатии ҷавонони Тоҷикистон ба номи М.Воҳидов дидан намуданд.

3 май нахуст ба иштирокчиёни Фестивали дӯстии ҷавонон таҳти унвони “Дӯст ояд гарм дар оғӯш гир” дар ноҳияи Рӯдакӣ нишони сарисинагӣ ва китобҳо тақдим шуд.

Баъдан, дар бинои Мақомоти иҷроияи ҳокимияти давлатии ноҳияи Рӯдакӣ иштирокчиёни Фестивал бо Ато Мирхоҷа, муовини раиси Иттифоқи нависандагон мулоқот карданд.

Баъд аз ин мулоқот ҷавонон ба шаҳри Душанбе роҳ пеш гирифтаанд. Дар пойтахти мамлакат иштирокчиёни Фестивал аз Маҷмаии “Истиқлол” ва Осорхонаи таърихии шаҳри Душанбе дидан намуданд. Дар идома ба иштирокчиён тавассути хатсайрҳо шаҳри Душанберо нишон дода шуд. Ҳамчунин, иштирокчиён аз Майдони Дӯстӣ ва муҷассамаи Исмоили Сомонӣ дидан намуданд.
Бо ҳамин, ҷавонон ба ноҳияи Рӯдакӣ пас гашта, дар барномаи фарҳангии Шоми дӯстӣ, ки дар маркази ноҳия бо иштироки роҳбарияти ноҳия, ҷавонони фаъол ва сокинон таҳти унвони “Дӯст ояд гарм дар оғӯш гир” баргузор гашт, ширкат варзиданд.

Ёдовар мешавем, ки фестивали мазкур аз 1 май оғоз гардида, то имрӯз - 4 май идома меёбад, ки ҳадаф аз баргузории он тарғиби дӯстиву ҳамдилӣ миёни ҷавонони манотиқи гуногуни кишвар ва ба ин васила таҳкими ваҳдату ҳамгироӣ мебошад.

Гулафшон КАРИМОВА,“ҶТ”