Бо ташаббуси Бахши кор бо ҷавонон ва варзиши шаҳри Панҷакент бахшида ба Рӯзи Парчам роҳпаймоии ҷавонону варзишгарон таҳти унвони “Ҷавонон – пайрави Пешвои миллат” доир гардид.

Дар ин рўз донишҷӯёну хонандагони муассисаҳои таълимии шаҳр, ҷавонони шаҳру деҳот ба кӯчаҳои шаҳр баромада, то маркази шаҳр роҳпаймоӣ намуданд.  

Пас аз роҳпаймоӣ дар Кохи ба номи Лоиқ Шералӣ барномаи фарҳангӣ бо иштироки ҳунармандони шаҳр бахшида ба рӯзи Парчами давлатӣ баргузор гардида, дар интиҳои он як қатор ҷавонону варзишгарони фаъол  бо сипосномаҳои Кумитаи кор бо ҷавонон ва варзиш сарфароз гардиданд.