ҶОМЕА
Якшанбе 28 Апрел 2024 09:50
Хадамоти алоқаи назди Ҳукумати Ҷумҳурии Тоҷикистон ба ду ширкати алоқаи мобилӣ иҷозатномаи ворид намудани интернетро дод, ки он метавонад ба суръати баланди интернет дар кишвар мусоидат намояд.
Бино ба иттилои Хадамоти алоқаи кишвар, 17 ноябр Бег Сабур, сардори Хадамоти алоқа ба масъулини ҶСП “ТТ Мобайл” (Мегафон) ва ҶСП “Индиго Тоҷикистон” (Тcell) иҷозатномаи ворид намудани каналҳои байналмилалии баландсуръати дастрасӣ ба шабакаи глобалии интернетро супорид.
ТАЪМИНИ ИНТЕРНЕТИ БАЛАНДСУРЪАТ
Хадамот мегӯяд, ки ин иқдом коҳиши арзишу баланд бардоштани сатҳу сифати хизмат-расонии дастрасӣ ба интернет дар Тоҷикистонро фароҳам меоварад. Инчунин он ба ташкили фазои рақобати солим дар соҳаи алоқаи барқӣ ва ҷалби сармояҳои хусусӣ ба сектори телекоммуникатсияи кишвар мусоидат хоҳад кард.
“Иҷозатнома дар як маросими хос аз сӯи сардори Хадамоти алоқаи Тоҷикистон, Бег Сабур ба масъулини ширкатҳо супурда шуд”, - гуфт манбаъ.
Гуфта мешавад, ки ширкатҳо рӯзҳои наздик ба ворид намудани интернети баландсуръат шуруъ хоҳанд кард.
Бояд гуфт, ки чунин тасмим пас аз як танқиди сахти Президенти кишвар муҳтарам Эмомалӣ Раҳмон, ки 23 декабри соли гузашта ҳангоми ироаи Паёми солонаашон ба Парлумони кишвар карда буданд, гирифта шуд.
Сарвари давлат дастури беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет ва дастрас гардонидани интернети баландсуръат дар тамоми минтақаҳои кишварро содир намуда, 22 июни соли ҷорӣ як фармон “Дар бораи тадбирҳои вусъат додани ҳисоббаробаркунии ғайринақдӣ” низ содир намуданд.
Пас аз ин амри Пешвои миллат Хадамоти алоқаи кишвар борҳо барои беҳтар гардонидани сатҳу сифати интернет дар миқёси кишвар бо кормандонаш ҷаласаву вохӯриҳо анҷом додааст.
Масалан, моҳи октябри соли равон сардори ин хадамот Бег Сабуров дар як вохӯрӣ гуфта буд, ки ҳалли мушкилоти мавҷуда ва таъмини дастрасии комили шаҳрвандон бо интернети баландсуръат дар авлавияти фаъолияти ниҳоди зертобеаш ва ширкатҳои мобилӣ аст.
Ӯ ин нуктаро зимни як ҷаласае бо намояндагони ширкатҳои мобилӣ ва провайдерҳои интернетӣ изҳор дошта буд.
“Бо мақсади муайян намудани тамоми минтақаҳое, ки дастрасӣ ба алоқаи мобилӣ ва интернет дар он заиф мебошад, аз ҳисоби масъулини Хадамоти алоқа, ширкатҳои мобилӣ ва сохторҳои дигар гурӯҳи корӣ ташкил шуд”,- изҳор намуда буд.
ШИРКАТИ ТCELL НАРХРО ПОИН ВА СУРЪАТРО БАЛАНД КАРД
Дар ҳамбастагӣ ба ин масъала ширкати мобилии Тcell аз поин овардани нархи интернет ва суръати баланди он хабар дод. Ин ширкат аз баъзе тағйиротҳое, ки дар тарофаҳои худ ворид намудааст, иттилоъ дода, қайд намуд, ки шуруъ аз 22 ноябр дар имконоти “G”-и Tcell тағйирот ворид мегардад. Пас аз тағйирот арзиши бастаи G20000 30 сомонӣ арзон карда мешавад, акнун 120 сомонӣ арзиш дорад.
“Баъзе тарофаҳо баста мешаванд ва муштариён ба дигар тарофаҳо гузаронида мешаванд. Ин ба бастаҳои G250, G2000, “G+” ва “Эко” таъсир мерасонад. Инчунин, тибқи шартҳои нав, арзиши он тағйир меёбад, аммо миқдори мегабайтҳои пешниҳодшуда бетағйир боқӣ мемонад. Коҳиш додани арзиши тарофаҳои интернет барои муштариён бартарияти калон аст. Акнун ҳар як муштарӣ метавонад, аз интернети баландсуръат бо нархи дастрас истифода барад”, - қайд кард Tcell.
Ин ширкат баста шудани бастаҳои G250, G2000, “G+” ва “Эко”-ро чунин шарҳ додааст:
“Арзиши бастаи “G250” 10 сомонӣ аст. Ҳоло бо ин нарх шумо метавонед, 500 МБ харид кунед, яъне трафики 2 маротиба бештар. Бо “G2000”, ки арзишаш 56,06 сомонӣ аст, инчунин: аз 22 ноябр ба маблағи 50 сомонӣ ба муштарӣ 5000 МБ, трафики 2,5 баробар зиёд мешавад”.
“Эко” ва “G+”, ба гуфтаи манбаъ, ба далели дастрас будани бастаҳои фоидаовар дар вариантҳои “G” баста мешаванд. Маълумоти муфассал дар бораи вариантҳо дар вебсайти ширкат мавҷуд аст.
Вале ширкати Мегафон то ҳол аз паст шудани нархи тарофаҳои худ ва баланд гардидани суръати интернет ҳеҷ иттилое надодааст.
ИНТЕРНЕТИ РОЙГОН БАРОИ МИНТАҚАҲОИ ДУРДАСТ
Хадамоти алоқаи кишвар дар чаҳорчӯбаи нақшаи чорабиниҳо дар бораи рафти иҷрои Фармони Президенти Ҷумҳурии Тоҷикистон муҳтарам Эмомалӣ Раҳмон тасмим гирифтааст, ки дар минтақаҳои дурдаст барои истифодабарандагон, ҶСК “Шабакаҳои тақсимоти барқ” ва операторони алоқаи барқӣ зимни амалӣ намудани пардохтҳои ғайринақдӣ, хизматрасонии интернетро ройгон пешниҳод намояд.
Бино ба гуфтаи масъулини ин ниҳод иқдоми мазкур барои осон кардани пардохтҳои ғайринақдӣ ба роҳ монда шудааст.
Инчунин гуфта мешавад, ки оммавӣ гардидани истифодаи воситаҳои электронии пардохтӣ ҳангоми пардохти молу хизматрасонӣ ба вусъати ҳисоббаробаркунии ғайринақдӣ дар муомилоти пулии мамлакат мусоидат мекунад.
Хадамоти алоқа чунин мешуморад, ки дастрасии бемушкилӣ ба интернет барои афзоиши раванди гузариш ба ҳисоббаробаркунии ғайринақдӣ такони ҷиддӣ медиҳад.
“Хадамоти алоқа дар баробари дигар сохторҳо талошҳои доимии худро дар заминаи таъмини сартосарии интернет дар кишвар ва дастрасу мусоид гардонидани хизматрасониҳои интернетӣ идома медиҳад”, - зикр менамояд ин ниҳод.
СУРЪАТ ҲОЛО ҲАМ ҚОНЕЪКУНАНДА НЕСТ
Аммо бо вуҷуди ин, масъулини худи Хадамоти алоқа аз вазъи кунунии суръати интернет дар кишвар зоҳиран розӣ нестанд. То ҳол дар шабакаҳои иҷтимоӣ шикояти сокинон низ дида мешавад, ки аз суръати пасти интернет мегӯянд. Ахиран сардори Хадамот Бег Сабур зимни як ҷаласа талошҳои ниҳодаш дар мавриди беҳбуди хадамоти мобилӣ ва интернет гуфт, ки қонеъкунанда нест.
Ба гуфтаи Бег Сабур, ҳарчанд дастовардҳо дар боло бурдани сифат мавҷи алоқаи мобилӣ ва дастрасӣ ба интернет, арзонтар намудани арзиши хизматрасониҳо, рафъи монеаҳои мавсимии алоқа дар фасли сармо ва ҳисоббаробаркуниҳои ғайринақдӣ дида мешавад, аммо талошҳо кофӣ нестанд.
Ин нукта дар як ҷаласаи хосе, ки бо ширкати масъулини соҳаи алоқа, намояндагони ширкатҳои мобилӣ, провайдерҳои интернетӣ, бонкҳо ва “Барқи тоҷик” дар Хадамоти алоқаи Тоҷикистон баргузор шуд, зикр гардид.
“Тадбирҳои амалӣ боз ҳам бештар шаванд ва дар авлавияти фаъолияти масъулин қарор гиранд. Талаботи ҷомеа ба соҳаи алоқа тадриҷан афзуда, рушди тамоми соҳаҳо аз бисёр ҷиҳат ба дастрасии қуллай ба интернет вобаста гардидааст. Аз ин хотир, масъулини соҳаи алоқаро мебояд, ҳамеша дар пайи такмили механизми алоқаи мобилӣ ва интернет дар тамоми манотиқи кишвар бошанд. Дар навбати худ Хадамот омодааст, тамоми кумакҳоро ироа кунад”, - гуфтааст раиси Хадамоти алоқа.
Ба назари корбарон, Фармони Президенти Тоҷикистон дар бораи ҳисоббаробаркуниҳои ғайринақдиро наметавон бидуни дастрасии лозим ба интернет мавриди иҷро қарор дод ва далели кайфияти пасти интернет ҳам бештар адами дастрасӣ ба барқ арзёбӣ мешавад.
Аз ин хотир, Бек Сабур дар ҷаласа аз “Барқи тоҷик” хостааст, ки дар ин амр талоши кофии худро ба харҷ диҳад ва ба ҳамин монанд тақозоҳое аз ширкаткунандагони дигари ҷаласа низ доштааст.
Бино ба иттилои Хадамоти алоқаи кишвар, 17 ноябр Бег Сабур, сардори Хадамоти алоқа ба масъулини ҶСП “ТТ Мобайл” (Мегафон) ва ҶСП “Индиго Тоҷикистон” (Тcell) иҷозатномаи ворид намудани каналҳои байналмилалии баландсуръати дастрасӣ ба шабакаи глобалии интернетро супорид.
ТАЪМИНИ ИНТЕРНЕТИ БАЛАНДСУРЪАТ
Хадамот мегӯяд, ки ин иқдом коҳиши арзишу баланд бардоштани сатҳу сифати хизмат-расонии дастрасӣ ба интернет дар Тоҷикистонро фароҳам меоварад. Инчунин он ба ташкили фазои рақобати солим дар соҳаи алоқаи барқӣ ва ҷалби сармояҳои хусусӣ ба сектори телекоммуникатсияи кишвар мусоидат хоҳад кард.
“Иҷозатнома дар як маросими хос аз сӯи сардори Хадамоти алоқаи Тоҷикистон, Бег Сабур ба масъулини ширкатҳо супурда шуд”, - гуфт манбаъ.
Гуфта мешавад, ки ширкатҳо рӯзҳои наздик ба ворид намудани интернети баландсуръат шуруъ хоҳанд кард.
Бояд гуфт, ки чунин тасмим пас аз як танқиди сахти Президенти кишвар муҳтарам Эмомалӣ Раҳмон, ки 23 декабри соли гузашта ҳангоми ироаи Паёми солонаашон ба Парлумони кишвар карда буданд, гирифта шуд.
Сарвари давлат дастури беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет ва дастрас гардонидани интернети баландсуръат дар тамоми минтақаҳои кишварро содир намуда, 22 июни соли ҷорӣ як фармон “Дар бораи тадбирҳои вусъат додани ҳисоббаробаркунии ғайринақдӣ” низ содир намуданд.
Пас аз ин амри Пешвои миллат Хадамоти алоқаи кишвар борҳо барои беҳтар гардонидани сатҳу сифати интернет дар миқёси кишвар бо кормандонаш ҷаласаву вохӯриҳо анҷом додааст.
Масалан, моҳи октябри соли равон сардори ин хадамот Бег Сабуров дар як вохӯрӣ гуфта буд, ки ҳалли мушкилоти мавҷуда ва таъмини дастрасии комили шаҳрвандон бо интернети баландсуръат дар авлавияти фаъолияти ниҳоди зертобеаш ва ширкатҳои мобилӣ аст.
Ӯ ин нуктаро зимни як ҷаласае бо намояндагони ширкатҳои мобилӣ ва провайдерҳои интернетӣ изҳор дошта буд.
“Бо мақсади муайян намудани тамоми минтақаҳое, ки дастрасӣ ба алоқаи мобилӣ ва интернет дар он заиф мебошад, аз ҳисоби масъулини Хадамоти алоқа, ширкатҳои мобилӣ ва сохторҳои дигар гурӯҳи корӣ ташкил шуд”,- изҳор намуда буд.
ШИРКАТИ ТCELL НАРХРО ПОИН ВА СУРЪАТРО БАЛАНД КАРД
Дар ҳамбастагӣ ба ин масъала ширкати мобилии Тcell аз поин овардани нархи интернет ва суръати баланди он хабар дод. Ин ширкат аз баъзе тағйиротҳое, ки дар тарофаҳои худ ворид намудааст, иттилоъ дода, қайд намуд, ки шуруъ аз 22 ноябр дар имконоти “G”-и Tcell тағйирот ворид мегардад. Пас аз тағйирот арзиши бастаи G20000 30 сомонӣ арзон карда мешавад, акнун 120 сомонӣ арзиш дорад.
“Баъзе тарофаҳо баста мешаванд ва муштариён ба дигар тарофаҳо гузаронида мешаванд. Ин ба бастаҳои G250, G2000, “G+” ва “Эко” таъсир мерасонад. Инчунин, тибқи шартҳои нав, арзиши он тағйир меёбад, аммо миқдори мегабайтҳои пешниҳодшуда бетағйир боқӣ мемонад. Коҳиш додани арзиши тарофаҳои интернет барои муштариён бартарияти калон аст. Акнун ҳар як муштарӣ метавонад, аз интернети баландсуръат бо нархи дастрас истифода барад”, - қайд кард Tcell.
Ин ширкат баста шудани бастаҳои G250, G2000, “G+” ва “Эко”-ро чунин шарҳ додааст:
“Арзиши бастаи “G250” 10 сомонӣ аст. Ҳоло бо ин нарх шумо метавонед, 500 МБ харид кунед, яъне трафики 2 маротиба бештар. Бо “G2000”, ки арзишаш 56,06 сомонӣ аст, инчунин: аз 22 ноябр ба маблағи 50 сомонӣ ба муштарӣ 5000 МБ, трафики 2,5 баробар зиёд мешавад”.
“Эко” ва “G+”, ба гуфтаи манбаъ, ба далели дастрас будани бастаҳои фоидаовар дар вариантҳои “G” баста мешаванд. Маълумоти муфассал дар бораи вариантҳо дар вебсайти ширкат мавҷуд аст.
Вале ширкати Мегафон то ҳол аз паст шудани нархи тарофаҳои худ ва баланд гардидани суръати интернет ҳеҷ иттилое надодааст.
ИНТЕРНЕТИ РОЙГОН БАРОИ МИНТАҚАҲОИ ДУРДАСТ
Хадамоти алоқаи кишвар дар чаҳорчӯбаи нақшаи чорабиниҳо дар бораи рафти иҷрои Фармони Президенти Ҷумҳурии Тоҷикистон муҳтарам Эмомалӣ Раҳмон тасмим гирифтааст, ки дар минтақаҳои дурдаст барои истифодабарандагон, ҶСК “Шабакаҳои тақсимоти барқ” ва операторони алоқаи барқӣ зимни амалӣ намудани пардохтҳои ғайринақдӣ, хизматрасонии интернетро ройгон пешниҳод намояд.
Бино ба гуфтаи масъулини ин ниҳод иқдоми мазкур барои осон кардани пардохтҳои ғайринақдӣ ба роҳ монда шудааст.
Инчунин гуфта мешавад, ки оммавӣ гардидани истифодаи воситаҳои электронии пардохтӣ ҳангоми пардохти молу хизматрасонӣ ба вусъати ҳисоббаробаркунии ғайринақдӣ дар муомилоти пулии мамлакат мусоидат мекунад.
Хадамоти алоқа чунин мешуморад, ки дастрасии бемушкилӣ ба интернет барои афзоиши раванди гузариш ба ҳисоббаробаркунии ғайринақдӣ такони ҷиддӣ медиҳад.
“Хадамоти алоқа дар баробари дигар сохторҳо талошҳои доимии худро дар заминаи таъмини сартосарии интернет дар кишвар ва дастрасу мусоид гардонидани хизматрасониҳои интернетӣ идома медиҳад”, - зикр менамояд ин ниҳод.
СУРЪАТ ҲОЛО ҲАМ ҚОНЕЪКУНАНДА НЕСТ
Аммо бо вуҷуди ин, масъулини худи Хадамоти алоқа аз вазъи кунунии суръати интернет дар кишвар зоҳиран розӣ нестанд. То ҳол дар шабакаҳои иҷтимоӣ шикояти сокинон низ дида мешавад, ки аз суръати пасти интернет мегӯянд. Ахиран сардори Хадамот Бег Сабур зимни як ҷаласа талошҳои ниҳодаш дар мавриди беҳбуди хадамоти мобилӣ ва интернет гуфт, ки қонеъкунанда нест.
Ба гуфтаи Бег Сабур, ҳарчанд дастовардҳо дар боло бурдани сифат мавҷи алоқаи мобилӣ ва дастрасӣ ба интернет, арзонтар намудани арзиши хизматрасониҳо, рафъи монеаҳои мавсимии алоқа дар фасли сармо ва ҳисоббаробаркуниҳои ғайринақдӣ дида мешавад, аммо талошҳо кофӣ нестанд.
Ин нукта дар як ҷаласаи хосе, ки бо ширкати масъулини соҳаи алоқа, намояндагони ширкатҳои мобилӣ, провайдерҳои интернетӣ, бонкҳо ва “Барқи тоҷик” дар Хадамоти алоқаи Тоҷикистон баргузор шуд, зикр гардид.
“Тадбирҳои амалӣ боз ҳам бештар шаванд ва дар авлавияти фаъолияти масъулин қарор гиранд. Талаботи ҷомеа ба соҳаи алоқа тадриҷан афзуда, рушди тамоми соҳаҳо аз бисёр ҷиҳат ба дастрасии қуллай ба интернет вобаста гардидааст. Аз ин хотир, масъулини соҳаи алоқаро мебояд, ҳамеша дар пайи такмили механизми алоқаи мобилӣ ва интернет дар тамоми манотиқи кишвар бошанд. Дар навбати худ Хадамот омодааст, тамоми кумакҳоро ироа кунад”, - гуфтааст раиси Хадамоти алоқа.
Ба назари корбарон, Фармони Президенти Тоҷикистон дар бораи ҳисоббаробаркуниҳои ғайринақдиро наметавон бидуни дастрасии лозим ба интернет мавриди иҷро қарор дод ва далели кайфияти пасти интернет ҳам бештар адами дастрасӣ ба барқ арзёбӣ мешавад.
Аз ин хотир, Бек Сабур дар ҷаласа аз “Барқи тоҷик” хостааст, ки дар ин амр талоши кофии худро ба харҷ диҳад ва ба ҳамин монанд тақозоҳое аз ширкаткунандагони дигари ҷаласа низ доштааст.
Хабарҳои дигар
Рӯзнома
Эзоҳи худро нависед