ҶОМЕА
Панҷшанбе 30 Май 2024 03:07
7788
Соли 2020 дар сатҳи ҷумҳурӣ 1 миллиону 20 ҳазор тонна картошка ҷамъоварӣ гардидааст, ки ба ҳар сари аҳолӣ наздики 70 кг рост меояд. 

Зиёзода Сулаймон Ризоӣ, вазири кишоварзии мамлакат ин нуктаро 9 феврал зимни нишасти хабарӣ иброз дошта, ҳамчунин афзуд, ки соли 2020 дар миқёси ҷумҳурӣ дар майдони 52731,5 гектар кишти картошка гузаронида шудааст, ки аз он 29191,5 гектар ё 55,4 фоиз ба хоҷагиҳои ҷамоавӣ ва деҳқонӣ ва 23540 гектар ё 44,6 фоиз ба хоҷагиҳои аҳолӣ рост меояд.

Вазири кишоварзӣ инчунин доир ба коҳиш ёфтани истеҳсоли ангур қайд намуд, ки соли 2020 дар ҳамаи шаклҳои хоҷагидорӣ 239956 тонна ангур истеҳсол карда шудааст. Истеҳсоли ангур ба 97,1 фоизи ҳамин давраи соли гузашта баробар буда, истеҳсол 7210 тонна коҳиш ёфтааст.

Қ. МАҲМАДҶОНОВ, “ҶТ”

Эзоҳи худро нависед



Рамзҳо дар расм