Фаъолияти тамоми соҳаҳои хоҷагии халқ дар ноҳияи Деваштич натиҷагирӣ карда шуд.

Дар он намояндаи Ҳукумати Ҷумҳурии Тоҷикистон Аҳтам Абдуллозода, намояндаи мақомоти иҷроияи ҳокимияти давлатии вилояти Суғд Мирзоқосим Каримов, муовинони раиси ноҳия, мудирони шӯъба ва бахшҳои мақомоти иҷроияи ҳокимияти давлатии ноҳия, роҳбарони мақомотҳои ҳифзи ҳуқуқ, роҳбарони корхонаю ташкилотҳо, раисони ҷамоатҳои шаҳраку деҳот, сарварони муассисаҳои таълимию табобатӣ, раисони хоҷагиҳои кишоварзӣ, раисони маҳаллаҳо ва имомхатибони масҷидҳои ҷомеъ ва панҷвақтаи ноҳия иштирок намуданд.

Баъди маърӯзаи Абдумалик Ҳодиев, муовини аввали раиси ноҳия оиди рушди иқтисодиву иҷтимоии тамоми соҳаҳои хоҷагии халқ дар соли 2018, намояндаи Ҳукумати Ҷумҳурии Тоҷикистон Аҳтам Абдуллозода доири сазовор таҷлил намудани 30-солагии Истиқлолияти давлатии Ҷумҳурии Тоҷикистон аз масъулин пурсон шуд. 

Инчунин барои иҷрои сарвивақтии дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳозирин маслиҳатҳои муфид пешниҳод намуд.