Дар нимсолаи аввали соли 2022 нақшаи ситонидани пардохтҳои гумрукӣ аз ҳисоби гардиши тиҷорати хориҷӣ ба андозаи 3167,4 млн сомонӣ, аз ҷумла аз ҳисоби воридоти андоз аз арзиши иловашуда 2401 млн. сомонӣ, боҷи гумрукӣ 387,3 млн. сомонӣ, боҷи содиротӣ 58,6 млн. сомонӣ ва дигар пардохтҳо ба буҷаи давлат 3367,7 млн. сомонӣ маблағ ворид гардид, ки ин 106,3 фоизи нақшаро нишон медиҳад.

Хуршед Каримзода, сардори Хадамоти гумруки назди Ҳукумати Ҷумҳурии Тоҷикистон зимни нишасти матбуотӣ бо зикри ин нукта ҳамзамон иброз намуд, ки аз тарафи сохторҳои хадамоти гумрукӣ шаш ҳолати воридоти ғайриқонунии молҳои пастсифат ошкор гардид. Ҳамчунин, панҷ ҳолати интиқоли ғайриқонунии пулҳои хориҷӣ муайян шуд.

- Хадамоти гумрук дар самти густариши муносибатҳои байналмилалӣ ва фаъолияти иқтисодии хориҷӣ фаъолияти худро боз ҳам ривоҷ дода, баҳри пешрафти иқтисодиёти кишвар саҳми босазо хоҳад гузошт, - гуфт Х. Каримзода.