Зебониссо Исмоилова, таълимгирандаи гурӯҳи рақсии ансамбли “Шукуфаҳои пойтахт” дар Фестивал - озмуни байналмилалии “Art Silk Way” дар ду номинатсия сазовари ҷойи 1-ум гардида, ба фестивали минбаъда роҳхат гирифтааст.

Дар ин бора Комилҷон Холов, директори Муассисаи давлатии “Маркази кӯдакон ва наврасони шаҳри Душанбе” хабар дод.

Ба иттилои манбаъ Фестивал - озмуни байналмилалии “Art Silk Way” рӯзҳои 28 - 29 - уми марти соли равон дар шаҳри Самарқанди Ҷумҳурии Узбекистон баргузор гашта буд.

Дар ин фестивал аз кишварҳои Тоҷикисон, Қазоқистон, Қирғизистон, Туркманистон ва Руссия зиёда аз 101 наврас иштирок намуда, маҳорати худро нишон доданд.

Зебониссо Исмоиловаи 12 сола, хонандаи МТМУ-ии №6-и ноҳияи Исмоили Сомонӣ аст.

Наҷиба МУРОДБЕКОВА, “ҶТ”