Аз тарафи ноболиғон дар нимсолаи аввали соли ҷорӣ 386 адад ҷиноят содир гардидааст, ки он нисбат ба ҳамин давраи соли гузашта 169 адад кам мебошад.

Дар ин хусус Раҳимзода Рамазон Ҳамро, вазири корҳои дохилии Ҷумҳурии Тоҷикистон, 23 июл, зимни нишасти хабарӣ ба рӯзноманигорон иттилоъ дода, гуфт: “Аз тарафи ҷавонон бошад, дар ин давра 2851 ҷиноят содир шудааст, ки он назар ба ҳамин давраи соли 2018 – 117 ҷиноят кам аст”.

Гуфта шуд, дар натиҷаи доир кардани чорабиниҳои оперативию фаҳмондадиҳӣ 169 нафар шаҳрвандоне, ки дар амалиётҳои мусаллаҳонаи дигар кишварҳо иштирок доштанд, бо мусоидати мақомот ихтиёрӣ ба Ватан бозпас оварда шуданд.