Аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар шаш моҳи аввали соли равон бо мақсади пешгирии қонунвайронкунӣ дар ин давра 560 санҷиши нақшавӣ, инчунин 8 304 амалиёти назоратӣ ва санҷишҳои фаврии муштарак гузаронида шуд.

Дар ин бора 31 июл Баҳодур Шерализода, раиси Кумитаи мазкур зимни нишасти матбуотиаш иттилоъ дод.

Шерализода зикр намуд, ки дар нимсолаи якуми соли 2023 дар самти ҳифзи ҳимояи атмосфера нисбати 1256 нафар ва дар самти замин 357 нафар парвандаҳои маъмурӣ тартиб дода шуда, 39 нафар ҷарима шудаанд.

- Бо мақсади пешгирии қонунвайронкунӣ дар ин давра 560 санҷиши нақшавӣ, инчунин 8 304 амалиёти назоратӣ ва санҷишҳои фаврии муштарак гузаронида шуд. Инчунин дар 288 иншоот ченкуниҳои инструменталӣ ва ташхисҳои лаборатории мониторинги экологӣ гузаронида шуданд. Аз ҷумла, дар самти назорати таҳлили ихроҷи моддаҳои заҳрнок ба ҳавои атмосфера дар 84 иншооти фаъолияти хоҷагидорӣ ченкуниҳои инструменталӣ гузаронида шуда, протоколҳои ташхисӣ тартиб дода шуданд, - илова намуд номбурда.

Ҳамзамон гуфта шуд, ки дар самти назорати таҳлилии таъсири партовҳо ба манбаъҳои обӣ дар 133 иншоот ва дар самти таҳлилии шӯршавии замин ва таъсири заҳрхимикатҳо бошад, 68 намуна аз ташхис гузаронида шуд.