Дили муаллифи Суруди миллӣ, барандаи ҷоизаи давлатии ба номи Абуабдуллоҳи Рӯдакӣ, Шоири халқии Тоҷикистон Гулназар Келдӣ дар сини 75-солагӣ аз задан боз монд.

Гулназар Келдӣ аз зумраи он зиёиён ва адибони маъруфи кишвар аст, ки дастпарвари мактаби эҷодии рӯзномаи “Ҷавонони Тоҷикистон” маҳсуб меёбад. Ӯ ба ин даргоҳ солҳои шастуми асри пешин қадам ниҳода, маҳз дар ин ҷо сабзида ва ба қуллаҳои баланди эҷодӣ расидааст. Аввалин шеъри навиштаи шоир ҳам дар ин рӯзнома ба табъ расидааст. Эҷоди ӯ саршори муҳаббат ба Ватан, мардуми он, табиати нотакрори кишвар ва ғайра буда, байни дӯстдорони каломи бадеъ ҳаводорони зиёд дошт.

Ёди Гулназар Келдӣ дар қалби мардум абадан нақш хоҳад баст.

Аҳли эҷоди рӯзномаи “Ҷавонони Тоҷикистон” аз фавти шоири маҳбуб сахт андуҳгин буда, ба аҳли байт ва пайвандони ӯ аз даргоҳи Илоҳӣ сабри ҷамил хоҳонанд.