ҶОМЕА
Ҷумъа 26 Апрел 2024 07:08
ё чаро ин масъала кишварҳои минтақаро нигарон кардааст?
Ҳукумати Ҷумҳурии Тоҷикистон тайи чанд соли ахир барномаҳоеро рӯи даст гирифтааст, ки барои мубориза бо терроризму экстремизм равона гирдидааст. Ба ин монанд рӯзҳои 18-19 октябри соли равон, дар шаҳри Душанбе конфронси байналмилалии “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” баргузор гардид, ки дар он намояндагони зиёда аз 50 кишвари ҷаҳон ширкат доштанд.
Конфронси мазкур дар ҳамкорӣ бо Созмони Милали Муттаҳид, Созмони амният ва ҳамкорӣ дар Аврупо, Иттиҳоди Аврупо ва дигар шарикони байналмилалӣ баргузор гардида, он идомаи мантиқии “Раванди Душанбе”, ки моҳи майи соли 2019 зимни аввалин конфронси минтақавии Дафтари зиддитеррористии СММ, ки муштаракан бо Ҳукумати Ҷумҳурии Тоҷикистон оғоз гардидааст, маҳсуб меёбад.
Душанбе бори сеюм аст, ки мизбони ҳамоиши сатҳи баланд дар мавзӯи мубориза бо терроризм бо иштироки намояндагони даҳҳо давлату созмонҳо мешавад. Қаблан низ дар Тоҷикистон, аз ҷумла 3 - 4 майи соли 2018 ва 16 - 17 майи соли 2019 конфронси сатҳи баланди мубориза бо терроризму экстремизм бо иштироки доираҳои васеи коршиносону мақомдорони давлатӣ баргузор гирдида буд.
НИГАРОНӢ АЗ МИНТАҚА
Дар конфронси мазкур Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз хатарҳои густариш ёфтани экстремизму терроризм ва паёмадҳои он суханронӣ карданд:
“Гузашта аз ин, паҳншавии босуръати бемории сироятии COVID-19 дар зарфи зиёда аз ду соли охир ва пайомадҳои он ҷараёни муқовимат бо ин таҳдидҳоро боз ҳам мушкил гардонида, раванди татбиқи Рӯзномаи 2030 ва дастёбӣ ба ҳадафҳои рушди устувори онро дар минтақаҳои гуногуни ҷаҳон халалдор сохт. Гурӯҳҳои террористӣ аз чунин вазъи баамаломада сӯйиистифода карда, фаъолияти ифротгароӣ, ҷалби бештари ҷавонон ба он, ташвиқ ва анҷом додани ҳамлаҳои террористӣ, аз ҷумла бо истифода аз технологияҳои иттилоотиву коммуникатсиониро густариш мебахшанд”.
Инчунин, Президенти кишвар муҳтарам Эмомалӣ Раҳмон аз ҷумла, аз кишварҳои пешрафтаи ҷаҳон хостори он шуданд, ки ба шахсони муттаҳам ба терроризм паноҳгоҳ надиҳанд.
“Мушоҳида мекунем, ки террористону ифротгароён аз институти “гуреза” хуб истифода карда, аз боварии кишварҳои бештар мутараққӣ сӯиистифода менамоянд”, - иброз доштанд Пешвои миллат.
Ҳамзамон, Пешвои миллат аз баргардонидании беш аз 400 нафар шаҳрванди Тоҷикистон, аз ҷумла занону кӯдакон аз Ироқу Сурия ба ватан гуфта, афзуданд, ки онҳо ҳоло марҳилаи офиятбахшӣ ва барқарорсозиро паси сар мекунанд.
Ба таъкиди Президент, Тоҷикистон ҳамчунин, 5 ҳазор донишҷӯро барои шомил нашудан ба гурӯҳҳои террористиву ифротгаро аз кишварҳои хориҷӣ бозгардонд.
ҲУШДОРИ ПРОКУРОРИ ГЕНЕРАЛӢ
Юсуф Раҳмон, Прокурори генералии Ҷумҳурии Тоҷикистон низ ҳангоми суханронӣ дар ҳамоиши мазкур, пеш аз ҳама оид ба хатарҳои интиқоли ҷангиёни террористӣ аз Сурия ва Ироқ ба минтақаҳои дигар ҳушдор дод ва дар ин замина, зарурати таҳкими ҳифзи марзҳоро бори дигар таъкид намуд.
Номбурда гуфт, аъзои гурӯҳҳои террористии “Ал-Қоида”, “ДОИШ”, “Ҷамоати Ансоруллоҳ”, “Ҳаракати исломии Туркистони шарқӣ”, ҲНИ “Ҳаракати исломии Ӯзбекистон” фаъолшавияшонро дар ноҳияҳои наздисарҳадии Тоҷикистону Афғонистон идома дода истодаанд.
Махсусан ӯ аз хатари “ДОИШ” ҳушдор дод, ки ҳудуди 5 ҳазор ҷангҷӯйро ҷамъ карда, ният доранд, дар Афғонистон ва кишварҳои Осиёи Марказӣ “Хуросони бузург”-ро созанд.
Дар идома Юсуф Раҳмон кишварҳои Осиёи Марказӣ, махсусан Тоҷикистонро дар баробари хатарҳои террористӣ бо сабаби марзи тӯлонӣ доштанаш бо Афғонистон, осебпазир хондааст.
СТРАТЕГИЯ ВА ТАШКИЛИ ПОЙГОҲИ МАХСУС
Дар Ҷумҳурии Тоҷикистон Пешвои миллат муҳтарам Эмомалӣ Раҳмон 1-уми июни соли 2021 Стратегияи муқовимат ба экстремизм ва терроризм дар Тоҷикистон барои солҳои 2021-2025 ва Нақшаи амал оид ба амалисозии онро тасдиқ карда буданд. Стратегия мақсад, вазифаҳо ва самтҳои асосии сиёсати давлатии Ҷумҳурии Тоҷикистонро дар соҳаи муқовимат ба экстремизм ва терроризм муайян намуда, ба муттаҳид намудани тадбирҳои мақомоти давлатӣ, мақомоти худидоракунии шаҳрак ва деҳот, ниҳодҳои ҷомеаи шаҳрвандӣ ва созмонҳои байналмилалӣ дар ин самт равона шудааст.
Дар ин замина барои дар амал татбиқ намудани ин Стратегия Котибот ташкил карда шуда, ҳамчунин, барои инъикоси он пойгоҳи махсус фаъол мешавад. Дар ин бора Шералӣ Ризоён, сиёсатшиноси тоҷик, дар телеграм-канали худ иттилоъ додааст.
Ба гуфтаи ӯ, 12-уми октябр таҳти сарпарастии Прокуратураи генералии Тоҷикистон ва Дафтари барномаҳои САҲА дар шаҳри Душанбе ҳаштумин Ҷаласаи ҳамоҳангсоз оид ба татбиқи Стратегияи мубориза бо ифротгароӣ ва терроризм дар Тоҷикистон барои солҳои 2021-2025 баргузор гардид.
Ризоён гуфт, хабари муҳими ҷаласаи 12-уми октябр, таъсиси Котиботи татбиқи Стратегия ва сомонаи махсус (иттилоотӣ-таҳлилӣ) оид ба мубориза бар зидди экстремизм ва терроризм мебошад.
Ба таъкиди ӯ, яке аз ҳадафҳои Котибот ҷалби васеи ҷомеаи шаҳрвандӣ ба татбиқи Стратегия аст.
“Амалигардонии ин Стратегия масъалаҳои арзёбии чолишҳо ва таҳдидҳои марбут ба ифротгароӣ ва терроризм бо дарназардошти вазъи кунунии Афғонистон, ҳамоҳангсозии талошҳои тамоми ҷонибҳои манфиатдор, бахусус ҷомеаи шаҳрвандиро муҳим мегардонад.
Зимни баррасии масъала пешниҳод шуд, ки дар доираи фаъолияти Котибот бо созмонҳои ҷамъиятӣ вохӯрии алоҳида баргузор карда шавад”, - навиштааст Шералӣ Ризоён.
Коршинос дар заминаи ҷалби ҷомеаи шаҳрвандӣ, пешниҳод кардааст, ки дар доираи Котибот мулоқотҳои алоҳида бо намояндагони ҷомеаҳои коршиносӣ ва журналистӣ оид ба инъикоси мушкилоти экстремизм ва терроризм баргузор карда шаванд.
Ба гуфтаи ӯ, агар ин таклифҳо ба назар гирифта, амалӣ шаванд, мо дар ин самт таҷрибаи нодири миллӣ хоҳем дошт.
“МУБОРИЗАИ ТАНҲО ТОҶИКИСТОН КОФӢ НЕСТ”
Ҷумҳурии Тоҷикистон дар саргаҳи аввали мубориза бо хатари ифротгароиву терроризм қарор дошта, дар ду соли охир, барои пешгирии терроризм ва ифротгароӣ дар Тоҷикистон, зиёда аз 175 иншооти сарҳадӣ ба истифода дода шудаанд, сохтмони 30 иншооти дигар идома доранд ва Тоҷикистонро зарур аст, ки дар оянда боз 300 иншооти марбута бунёд намояд. Вале коршиносон вазъ дар сарҳад бо Афғонистонро, ки он ҷо гурӯҳҳои ДОИШ ҳузур доранд, нигаронкунанда мешуморанд.
Раҷабзода Насимҷон, муовини аввали фармондеҳи Қӯшунҳои марзбонии КДАМ Тоҷикистон, зимни суханрониаш гуфтааст, таъмини амнияти кишварҳои минтақа ва берун аз он танҳо бо ҳузури як кишвар ҳалталаб нест.
- Тоҷикистон ба танҳоӣ қодир ба ҳалли мушкилоти марзӣ бо Афғонистон нест. Бояд иқрор шуд, ки новобаста аз талошҳои зиёди Ҳукумати Тоҷикистон ва ҷудо кардани маблағи зиёд дар ин самт, ҳастанд баъзе мушкилоте, ки бидуни кумаки хориҷӣ ҳал карда намешаванд”, - афзудааст ӯ.
Мавсуф аз ҷомеаи ҷаҳонӣ ва созмонҳо дархост кардааст, ки ба кишвар силоҳу таҷҳизоти замонавӣ ва ҳамчунин ҳавопаймоҳои бесарнишин барои назорати манотиқи дур ва дастнораси кӯҳӣ фиристанд.
Бино ба гуфтаи Руслан Мирзоев, директори Кумитаи иҷроияи сохтори минтақавии зиддитеррористии Созмони ҳамкории Шанхай, шумораи аъзои гурӯҳҳои даҳшатафкан, ки дар Афғонистон фаъолият мекунанд, беш аз 13,5 ҳазор нафарро ташкил медиҳад.
“Соли 2021 дар қаламрави кишварҳои узви СҲШ 1500 нафари дар ҷустуҷӯ буда боздошт шуда, беш аз 40 ҳамлаи террористӣ пешгирӣ карда шуд. Терроризм ҳарчӣ бештар хусусияти фаъолияти ҷиноии сиёсиро касб мекунад. Ҷангҷӯён барои анҷоми ҳамалоти пурсарусадои террористӣ бо теъдоди зиёди қурбониён манбаъҳои иловагии маблағгузориро ҷустуҷӯ мекунанд”, - афзудааст Мирзоев.
Ба қавли ӯ, дар Афғонистон, ғайр аз ҷангҷӯёни Давлати исломӣ, боз террористони дигар гурӯҳҳо фаъол ва дар ҳоли афзоиш ҳастанд.
ҶОННОК НАМУДАНИ КОР ДАР САРҲАД
Сарвари давлат дар охири суханронӣ дар конфронси “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” барои пешгирӣ ва мубориза бо терроризм пешниҳод намуданд, ки рушд додани босуръати технологии соҳаи мудирияти сарҳад, имрӯзҳо зарурати таъмин намудани мақомоти назорати сарҳадӣ бо технологияҳои муосир барои сари вақт ошкор ва пешгирӣ намудани кӯшишҳои гурӯҳҳои террористиву ифротӣ, ки нияти рахна кардани низоми сарҳади давлатиро доранд, ба миён омадааст.
- Амалӣ намудани ин иқдом омӯзиши таҷрибаи кишварҳои тараққиёфта ва марҳала ба марҳала ҷорӣ кардани стандартҳои пешқадами байналмилалиро дар мудирияти сарҳади давлатӣ тақозо мекунад.
Аз ин лиҳоз, дастрас намудани василаҳои аз лиҳози фановарию техникӣ пешрафта ва боэътимод дар ин масир яке аз вазифаҳои асосии муборизаи муштараки сатҳи байналмилалӣ бо терроризм дониста мешавад.
Моро зарур аст, ки барои баланд бардоштани сатҳи огоҳӣ, дониш ва таҳкими иқтидори давлатҳо дар мубориза бо терроризм мувофиқи механизмҳои мавҷуда ҳамкории зич дошта бошем, - афзудааст Президенти кишвар муҳтарам Эмомалӣ Раҳмон.
Ҳукумати Ҷумҳурии Тоҷикистон тайи чанд соли ахир барномаҳоеро рӯи даст гирифтааст, ки барои мубориза бо терроризму экстремизм равона гирдидааст. Ба ин монанд рӯзҳои 18-19 октябри соли равон, дар шаҳри Душанбе конфронси байналмилалии “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” баргузор гардид, ки дар он намояндагони зиёда аз 50 кишвари ҷаҳон ширкат доштанд.
Конфронси мазкур дар ҳамкорӣ бо Созмони Милали Муттаҳид, Созмони амният ва ҳамкорӣ дар Аврупо, Иттиҳоди Аврупо ва дигар шарикони байналмилалӣ баргузор гардида, он идомаи мантиқии “Раванди Душанбе”, ки моҳи майи соли 2019 зимни аввалин конфронси минтақавии Дафтари зиддитеррористии СММ, ки муштаракан бо Ҳукумати Ҷумҳурии Тоҷикистон оғоз гардидааст, маҳсуб меёбад.
Душанбе бори сеюм аст, ки мизбони ҳамоиши сатҳи баланд дар мавзӯи мубориза бо терроризм бо иштироки намояндагони даҳҳо давлату созмонҳо мешавад. Қаблан низ дар Тоҷикистон, аз ҷумла 3 - 4 майи соли 2018 ва 16 - 17 майи соли 2019 конфронси сатҳи баланди мубориза бо терроризму экстремизм бо иштироки доираҳои васеи коршиносону мақомдорони давлатӣ баргузор гирдида буд.
НИГАРОНӢ АЗ МИНТАҚА
Дар конфронси мазкур Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз хатарҳои густариш ёфтани экстремизму терроризм ва паёмадҳои он суханронӣ карданд:
“Гузашта аз ин, паҳншавии босуръати бемории сироятии COVID-19 дар зарфи зиёда аз ду соли охир ва пайомадҳои он ҷараёни муқовимат бо ин таҳдидҳоро боз ҳам мушкил гардонида, раванди татбиқи Рӯзномаи 2030 ва дастёбӣ ба ҳадафҳои рушди устувори онро дар минтақаҳои гуногуни ҷаҳон халалдор сохт. Гурӯҳҳои террористӣ аз чунин вазъи баамаломада сӯйиистифода карда, фаъолияти ифротгароӣ, ҷалби бештари ҷавонон ба он, ташвиқ ва анҷом додани ҳамлаҳои террористӣ, аз ҷумла бо истифода аз технологияҳои иттилоотиву коммуникатсиониро густариш мебахшанд”.
Инчунин, Президенти кишвар муҳтарам Эмомалӣ Раҳмон аз ҷумла, аз кишварҳои пешрафтаи ҷаҳон хостори он шуданд, ки ба шахсони муттаҳам ба терроризм паноҳгоҳ надиҳанд.
“Мушоҳида мекунем, ки террористону ифротгароён аз институти “гуреза” хуб истифода карда, аз боварии кишварҳои бештар мутараққӣ сӯиистифода менамоянд”, - иброз доштанд Пешвои миллат.
Ҳамзамон, Пешвои миллат аз баргардонидании беш аз 400 нафар шаҳрванди Тоҷикистон, аз ҷумла занону кӯдакон аз Ироқу Сурия ба ватан гуфта, афзуданд, ки онҳо ҳоло марҳилаи офиятбахшӣ ва барқарорсозиро паси сар мекунанд.
Ба таъкиди Президент, Тоҷикистон ҳамчунин, 5 ҳазор донишҷӯро барои шомил нашудан ба гурӯҳҳои террористиву ифротгаро аз кишварҳои хориҷӣ бозгардонд.
ҲУШДОРИ ПРОКУРОРИ ГЕНЕРАЛӢ
Юсуф Раҳмон, Прокурори генералии Ҷумҳурии Тоҷикистон низ ҳангоми суханронӣ дар ҳамоиши мазкур, пеш аз ҳама оид ба хатарҳои интиқоли ҷангиёни террористӣ аз Сурия ва Ироқ ба минтақаҳои дигар ҳушдор дод ва дар ин замина, зарурати таҳкими ҳифзи марзҳоро бори дигар таъкид намуд.
Номбурда гуфт, аъзои гурӯҳҳои террористии “Ал-Қоида”, “ДОИШ”, “Ҷамоати Ансоруллоҳ”, “Ҳаракати исломии Туркистони шарқӣ”, ҲНИ “Ҳаракати исломии Ӯзбекистон” фаъолшавияшонро дар ноҳияҳои наздисарҳадии Тоҷикистону Афғонистон идома дода истодаанд.
Махсусан ӯ аз хатари “ДОИШ” ҳушдор дод, ки ҳудуди 5 ҳазор ҷангҷӯйро ҷамъ карда, ният доранд, дар Афғонистон ва кишварҳои Осиёи Марказӣ “Хуросони бузург”-ро созанд.
Дар идома Юсуф Раҳмон кишварҳои Осиёи Марказӣ, махсусан Тоҷикистонро дар баробари хатарҳои террористӣ бо сабаби марзи тӯлонӣ доштанаш бо Афғонистон, осебпазир хондааст.
СТРАТЕГИЯ ВА ТАШКИЛИ ПОЙГОҲИ МАХСУС
Дар Ҷумҳурии Тоҷикистон Пешвои миллат муҳтарам Эмомалӣ Раҳмон 1-уми июни соли 2021 Стратегияи муқовимат ба экстремизм ва терроризм дар Тоҷикистон барои солҳои 2021-2025 ва Нақшаи амал оид ба амалисозии онро тасдиқ карда буданд. Стратегия мақсад, вазифаҳо ва самтҳои асосии сиёсати давлатии Ҷумҳурии Тоҷикистонро дар соҳаи муқовимат ба экстремизм ва терроризм муайян намуда, ба муттаҳид намудани тадбирҳои мақомоти давлатӣ, мақомоти худидоракунии шаҳрак ва деҳот, ниҳодҳои ҷомеаи шаҳрвандӣ ва созмонҳои байналмилалӣ дар ин самт равона шудааст.
Дар ин замина барои дар амал татбиқ намудани ин Стратегия Котибот ташкил карда шуда, ҳамчунин, барои инъикоси он пойгоҳи махсус фаъол мешавад. Дар ин бора Шералӣ Ризоён, сиёсатшиноси тоҷик, дар телеграм-канали худ иттилоъ додааст.
Ба гуфтаи ӯ, 12-уми октябр таҳти сарпарастии Прокуратураи генералии Тоҷикистон ва Дафтари барномаҳои САҲА дар шаҳри Душанбе ҳаштумин Ҷаласаи ҳамоҳангсоз оид ба татбиқи Стратегияи мубориза бо ифротгароӣ ва терроризм дар Тоҷикистон барои солҳои 2021-2025 баргузор гардид.
Ризоён гуфт, хабари муҳими ҷаласаи 12-уми октябр, таъсиси Котиботи татбиқи Стратегия ва сомонаи махсус (иттилоотӣ-таҳлилӣ) оид ба мубориза бар зидди экстремизм ва терроризм мебошад.
Ба таъкиди ӯ, яке аз ҳадафҳои Котибот ҷалби васеи ҷомеаи шаҳрвандӣ ба татбиқи Стратегия аст.
“Амалигардонии ин Стратегия масъалаҳои арзёбии чолишҳо ва таҳдидҳои марбут ба ифротгароӣ ва терроризм бо дарназардошти вазъи кунунии Афғонистон, ҳамоҳангсозии талошҳои тамоми ҷонибҳои манфиатдор, бахусус ҷомеаи шаҳрвандиро муҳим мегардонад.
Зимни баррасии масъала пешниҳод шуд, ки дар доираи фаъолияти Котибот бо созмонҳои ҷамъиятӣ вохӯрии алоҳида баргузор карда шавад”, - навиштааст Шералӣ Ризоён.
Коршинос дар заминаи ҷалби ҷомеаи шаҳрвандӣ, пешниҳод кардааст, ки дар доираи Котибот мулоқотҳои алоҳида бо намояндагони ҷомеаҳои коршиносӣ ва журналистӣ оид ба инъикоси мушкилоти экстремизм ва терроризм баргузор карда шаванд.
Ба гуфтаи ӯ, агар ин таклифҳо ба назар гирифта, амалӣ шаванд, мо дар ин самт таҷрибаи нодири миллӣ хоҳем дошт.
“МУБОРИЗАИ ТАНҲО ТОҶИКИСТОН КОФӢ НЕСТ”
Ҷумҳурии Тоҷикистон дар саргаҳи аввали мубориза бо хатари ифротгароиву терроризм қарор дошта, дар ду соли охир, барои пешгирии терроризм ва ифротгароӣ дар Тоҷикистон, зиёда аз 175 иншооти сарҳадӣ ба истифода дода шудаанд, сохтмони 30 иншооти дигар идома доранд ва Тоҷикистонро зарур аст, ки дар оянда боз 300 иншооти марбута бунёд намояд. Вале коршиносон вазъ дар сарҳад бо Афғонистонро, ки он ҷо гурӯҳҳои ДОИШ ҳузур доранд, нигаронкунанда мешуморанд.
Раҷабзода Насимҷон, муовини аввали фармондеҳи Қӯшунҳои марзбонии КДАМ Тоҷикистон, зимни суханрониаш гуфтааст, таъмини амнияти кишварҳои минтақа ва берун аз он танҳо бо ҳузури як кишвар ҳалталаб нест.
- Тоҷикистон ба танҳоӣ қодир ба ҳалли мушкилоти марзӣ бо Афғонистон нест. Бояд иқрор шуд, ки новобаста аз талошҳои зиёди Ҳукумати Тоҷикистон ва ҷудо кардани маблағи зиёд дар ин самт, ҳастанд баъзе мушкилоте, ки бидуни кумаки хориҷӣ ҳал карда намешаванд”, - афзудааст ӯ.
Мавсуф аз ҷомеаи ҷаҳонӣ ва созмонҳо дархост кардааст, ки ба кишвар силоҳу таҷҳизоти замонавӣ ва ҳамчунин ҳавопаймоҳои бесарнишин барои назорати манотиқи дур ва дастнораси кӯҳӣ фиристанд.
Бино ба гуфтаи Руслан Мирзоев, директори Кумитаи иҷроияи сохтори минтақавии зиддитеррористии Созмони ҳамкории Шанхай, шумораи аъзои гурӯҳҳои даҳшатафкан, ки дар Афғонистон фаъолият мекунанд, беш аз 13,5 ҳазор нафарро ташкил медиҳад.
“Соли 2021 дар қаламрави кишварҳои узви СҲШ 1500 нафари дар ҷустуҷӯ буда боздошт шуда, беш аз 40 ҳамлаи террористӣ пешгирӣ карда шуд. Терроризм ҳарчӣ бештар хусусияти фаъолияти ҷиноии сиёсиро касб мекунад. Ҷангҷӯён барои анҷоми ҳамалоти пурсарусадои террористӣ бо теъдоди зиёди қурбониён манбаъҳои иловагии маблағгузориро ҷустуҷӯ мекунанд”, - афзудааст Мирзоев.
Ба қавли ӯ, дар Афғонистон, ғайр аз ҷангҷӯёни Давлати исломӣ, боз террористони дигар гурӯҳҳо фаъол ва дар ҳоли афзоиш ҳастанд.
ҶОННОК НАМУДАНИ КОР ДАР САРҲАД
Сарвари давлат дар охири суханронӣ дар конфронси “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” барои пешгирӣ ва мубориза бо терроризм пешниҳод намуданд, ки рушд додани босуръати технологии соҳаи мудирияти сарҳад, имрӯзҳо зарурати таъмин намудани мақомоти назорати сарҳадӣ бо технологияҳои муосир барои сари вақт ошкор ва пешгирӣ намудани кӯшишҳои гурӯҳҳои террористиву ифротӣ, ки нияти рахна кардани низоми сарҳади давлатиро доранд, ба миён омадааст.
- Амалӣ намудани ин иқдом омӯзиши таҷрибаи кишварҳои тараққиёфта ва марҳала ба марҳала ҷорӣ кардани стандартҳои пешқадами байналмилалиро дар мудирияти сарҳади давлатӣ тақозо мекунад.
Аз ин лиҳоз, дастрас намудани василаҳои аз лиҳози фановарию техникӣ пешрафта ва боэътимод дар ин масир яке аз вазифаҳои асосии муборизаи муштараки сатҳи байналмилалӣ бо терроризм дониста мешавад.
Моро зарур аст, ки барои баланд бардоштани сатҳи огоҳӣ, дониш ва таҳкими иқтидори давлатҳо дар мубориза бо терроризм мувофиқи механизмҳои мавҷуда ҳамкории зич дошта бошем, - афзудааст Президенти кишвар муҳтарам Эмомалӣ Раҳмон.
Хабарҳои дигар
Рӯзнома
Эзоҳи худро нависед