ҶОМЕА
Ҷумъа 26 Апрел 2024 06:05
“Дар се соли минбаъда барои бо шуғл таъмин намудани аҳолӣ бояд ҷиҳати таъсис додани 30 парки технологӣ ва минтақаи саноатӣ дар шаҳру ноҳияҳои дурдасти мамлакат чораҳои зарурӣ андешида шавад”.
Эмомалӣ Раҳмон
Ҳукумати Ҷумҳурии Тоҷикистон азм дорад, тавассути ташкили паркҳои технологӣ бахши саноати кишварро рушд дода, ба шаҳрвандон ҷойҳои нави корӣ фароҳам созад. Дар назар аст, то 35-солагии Истиқлолияти давлатӣ дар зиёда аз 30 шаҳру ноҳияи Тоҷикистон паркҳои технологӣ сохта шавад. Дар ин маврид Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми ахирашон ба Маҷлиси Олӣ таъкид намуданд.
Президенти кишвар ба Вазорати саноат ва технологияҳои нав, Кумитаи давлатии сармоягузорӣ ва идораи амволи давлатӣ, роҳбарони вилоятҳо, шаҳру ноҳияҳо, дигар идораҳои марбута ва соҳибкорону сармоягузорон супориш доданд, ки ҷиҳати таъсиси корхонаҳои саноатӣ бо технологияҳои муосир, муҳайё намудани ҷойҳои кории нав дар ин самт корро вусъат бахшанд.
Сарвари давлат ҳамзамон таъкид намуданд, ки барои таҳияву татбиқи соҳаи технология, аз ҷумла паркҳои технологӣ эътибори аввалиндараҷа дода шавад.
- Дар ин раванд, ба таъсиси маҷмааҳои саноатӣ, паркҳои технологӣ, таҳия ва татбиқ намудани лоиҳаҳои шарикии давлат ва бахши хусусӣ, ҷорӣ кардани технологияҳои инноватсионӣ, истифодаи таҷҳизоти каммасрафи барқӣ ва ҷалби боз ҳам бештари сармояи мустақим бояд эътибори аввалиндараҷа дода шавад.
ҲАДАФ - ТАЪСИСИ ҶОЙҲОИ НАВИ КОРӢ
“Яке аз роҳҳои асосии ҳалли ин масъала таъсис додани ҷойҳои нави корӣ дар саросари кишвар буда, бунёди корхонаҳои хурди истеҳсолӣ, марказҳои соҳибкорӣ, таъсиси бизнес - инкубаторҳо, паркҳои технологӣ ва дигар коргоҳҳои хурду миёна вазифаи сохтору мақомоти давлатӣ, аз ҷумла роҳбарони вилоятҳо ва шаҳру ноҳияҳо, инчунин соҳибкорон мебошад”.
Эмомалӣ Раҳмон
Ҳадафи аслии таъсиси чунин паркҳо дар кишвар ин афзоиши шумораи коргоҳу корхонаҳои истеҳсолӣ дар ҷумҳурӣ ва ҷалби бештари ҷавонон ба кор дар дохили кишвар арзёбӣ мегардад.
Ба гуфтаи Нуъмон Абдуғаффорзода, роҳбари Котиботи Шурои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ таъсиси паркҳои технологӣ, аз ҷумла технологияҳои иттилоотӣ метавонанд, дар ояндаи наздик дар ҳалли чунин масъалаҳои глобалӣ, аз қабили таъсиси ҷойҳои нави корӣ ва бо шуғл фаро гирифтани аҳолӣ мусоидат намояд. Ташаккул ва рушди низоми миллии тиҷорати рақамӣ; дастгирӣ ва роҳнамоии лоиҳаҳо-моделҳои тиҷоратии нав (Startup), афзоиши ҳиссаи технологияҳои инноватсионӣ дар маҷмуи маҳсулоти дохилӣ ва истеҳсоли маҳсулоти рақобатпазир, ки ба кишвар сармояи дохиливу хориҷиро ҷалб мекунад, мусоидати амиқ кунад.
- Рушди босуръати технологияҳои иттилоотию коммуникатсионӣ ва роҳандозии васеи инноватсия ба пешрафти маҷмуии мамлакат, аз ҷумла идоракунии самаранок, хизматрасониҳои электронӣ, содироти бештари молу хизматрасонӣ, таъсиси ҷойҳои нави корӣ, густариши фаъолияти фосилавӣ ва таҳсили фосилавӣ имкониятҳои васеъ фароҳам меорад.
Дар натиҷа, имкон фароҳам меояд, ки дар як қатор зербахшҳои соҳаи технологияҳои иттилоотию коммуникатсионӣ, аз қабили барномасозии компютерӣ бе сармоягузории пешакӣ фаъолияти самаранок роҳандозӣ гардида, даромади зиёд ба даст оварда шавад,- илова намуд номбурда.
ҶАЛБИ МУТАХАССИСОНИ ВАРЗИДА
“Замони муосир талаб мекунад, ки тамоми равандҳои иқтисодӣ ва хизматрасонӣ тавассути истифода аз технологияҳои рақамӣ ва иттилоотиву иртиботӣ дар заминаи инфрасохтори иттилоотӣ роҳандозӣ карда шаванд”.
Эмомалӣ Раҳмон
Бояд гуфт, ки рушди бемайлони соҳаи технологияҳои иттилоотию коммуникатсионӣ тавассути таъсис ва фаъолияти густурдаи паркҳои технологӣ, паркҳои технологияҳои иттилоотӣ, паркҳои илмию технологӣ, марказҳои инноватсионӣ ва ҳамгироии мутахассисони соҳавӣ таъмин карда мешавад.
Масъулини Корхонаи воҳиди давлатии “Шаҳри ҳушманд (Smart city)”-и шаҳри Душанбе зимни муаррифии лоиҳаи аввалин Парки технологӣ дар пойтахти мамлакат изҳор дош-та буданд, ки бунёди чунин паркҳо синтези ҳамгироии илм, маориф ва технологияҳои инноватсионӣ хоҳад буд.
- Паркҳои технологӣ шакли муосири ҳамгироии илм ва истеҳсолот ба ҳисоб рафта, бо мақсади вусъат бахшидани тадқиқот ва ҷорӣ намудани дастовардҳои илмию техникӣ ва технологӣ тавассути фаъолияти мутахассисони ташаббускор, доираҳои академикӣ, истифодаи васеи базаи истеҳсолӣ, таҷрибавӣ ва иттилоотӣ созмон дода мешавад. Ба истилоҳи дигар, паркҳои технологӣ маконест, ки мутахассисони болаёқат идеяҳои худро ба кори амалӣ табдил медиҳанд. Дар ҳамаи кишварҳои рушд-ёфта паркҳои технологӣ ҳамчун элементи калидии инфрасохтори иқтисодиёти муосири инноватсионӣ хизмат мекунанд,-омада буд дар хабарномаи “Шаҳри ҳушманд”.
Ҳамзамон гуфта мешавад, ки бо ба роҳ мондани паркҳои технологӣ дар кишвар мутахассисони баландихтисос ҷалб карда мешаванд, ки метавонанд ин соҳаро дар кившар боз ҳам рушд диҳанд.
- Дар парки технологӣ омӯзиши аҳолӣ ва ҷавонон бо мақсади ташаккули синфи муосири мутахассисони баландихтисос ба нақша гирифта шудааст. Барои ин онҳо бо ҷалби корхонаву мутахассисони пешқадам дарсҳои маҳорат, омӯзишҳо ва курсҳои такмили ихтисос, инчунин конфронсҳои илмию амалӣ ва машғулият ташкил менамоянд. Барои татбиқи муштараки лоиҳа сармоягузорони дохилӣ ва хориҷӣ ҷалб карда мешаванд,- мегӯяд Нуъмон Абдуғаффорзода.
ТАЪСИСИ ПАРКҲОИ ТЕХНОЛОГӢ ДАР МИНТАҚАҲО
“Тибқи нақша дар парки технологӣ бо ҷалби соҳибкорону дигар сарчашмаҳои маблағгузорӣ сохтмони 9 корхона ба нақша гирифта шудааст”.
Эмомалӣ Раҳмон
1 ноябри соли 2022 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Панҷи вилояти Хатлон ба корҳои сохтмонии парки технологии инноватсионӣ ҳусни оғоз бахшиданд.
Масоҳати парки технологии бунёдшаванда 3 гектарро ташкил намуда, дар он барои саноатикунонии босуръати мамлакат коргоҳу корхонаҳои нави истеҳсолӣ бунёд карда мешавад.
Тибқи нақша дар парки технологӣ бо ҷалби соҳибкорону дигар сарчашмаҳои маблағгузорӣ сохтмони 9 корхона ба нақша гирифта шудааст. Аз ҷумла, истеҳсоли орду равған, коркарди меваю сабзавот, тавлиди сачоқҳои яккарата, обҳои ташнашикан, маҳсулоти қаннодиву макаронӣ, масолеҳи сохтмонӣ, маҳсулоти хурокворӣ ва ғайра дар назар аст.
Сарвари давлат таъсиси парки технологиро дар ин ноҳияи дурдаст саривақтӣ арзёбӣ намуда, ба масъулин ҷиҳати бо сифат анҷом додани корҳои бунёдӣ ва дар оянда истеҳсоли маҳсулоти босифат ва зиёд намудани ҷойҳои нави корӣ дастур дода буданд.
Мутахассисон мегӯянд, даромади сокинони шаҳр ё ноҳияе, ки дар он парки технологӣ сохта мешавад, афзоиш хоҳад ёфт. Чун он барои ҷойҳои нави кории иловагии баландихтисос ва даромадҳои андоз, тавсеаи имконият барои фаъолияти соҳибкорӣ ва инноватсионӣ, болоравии нуфузи шаҳр (ноҳия) ва нигоҳ доштани ҷавонони ояндадор аз муҳоҷирати меҳнатӣ мусоидат менамояд.
Қаблан Президенти кишвар муҳтарам Эмомалӣ Раҳмон, дар шаҳри Остона, дар нахустин мулоқоти сарони давлатҳои Осиёи Марказӣ бо президенти Иттиҳоди Аврупо Шарл Мишел мулоқот карда, маҷмуи васеи масоили ҳамкории Тоҷикистон бо Иттиҳоди Аврупоро баррасӣ карданд, ки дар рафти мулоқот таҳкими шарикӣ бо Иттиҳоди Аврупо дар маблағгузории татбиқи лоиҳаҳои “Иқтисоди сабз”, “Иқтисоди рақамӣ”, таъсиси паркҳои технологӣ, технологияҳои рақамӣ ва ҷорӣ намудани низоми савдои электронӣ мавриди баррасӣ қарор гирифта буд.
Ҳамзамон, Тоҷикистон дар якҷоягӣ бо Русия азм доранд, бунёди паркҳои технологиро дар қаламрави Тоҷикистон ба роҳ монанд. Дар ин маврид раиси Кумитаи илм, маориф ва фарҳанги Шурои Федератсия Лилия Гумерова гуфтааст, ки агар ҷавонон ба лоиҳаҳо дар соҳаҳои илмию техникӣ шавқ дошта бошанд, дурнамои нек аст.
Вай таъкид намудаст, ҷавононе, ки ба лоиҳаҳои илмию техникии Тоҷикистону Русия таваҷҷуҳ доранд, метавонанд бо кори худ соҳибихтиёрии технологии ду кишварро таъмин намоянд.
Бояд гуфт, ки Ҷумҳурии Тоҷикистон барои рушди соҳаи технологияҳои иттилоотию коммуникатсионӣ ва инноватсионӣ заминаи меъёрии ҳуқуқӣ фароҳам оварда, Консепсияи ташаккули ҳукумати электронӣ, Барномаи давлатии рушд ва татбиқи технологияҳои иттилоотию коммуникатсионӣ дар Ҷумҳурии Тоҷикистон барои солҳои 2014-2017, Консепсияи сиёсати давлатии иттилоотии Ҷумҳурии Тоҷикистон, қонунҳои Ҷумҳурии Тоҷикистон “Дар бораи паркҳои технологӣ”, “Дар бораи фаъолияти инноватсионӣ”, Консепсияи иқтисоди рақамии Ҷумҳурии Тоҷикистон, Барномаи рушди инноватсионии Ҷумҳурии Тоҷикистон барои солҳои 2011-2020 ва дигар санадҳоро қабул кардааст ва татбиқи онҳо марҳила ба марҳила амалӣ шуда истодаанд.
Эмомалӣ Раҳмон
Ҳукумати Ҷумҳурии Тоҷикистон азм дорад, тавассути ташкили паркҳои технологӣ бахши саноати кишварро рушд дода, ба шаҳрвандон ҷойҳои нави корӣ фароҳам созад. Дар назар аст, то 35-солагии Истиқлолияти давлатӣ дар зиёда аз 30 шаҳру ноҳияи Тоҷикистон паркҳои технологӣ сохта шавад. Дар ин маврид Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми ахирашон ба Маҷлиси Олӣ таъкид намуданд.
Президенти кишвар ба Вазорати саноат ва технологияҳои нав, Кумитаи давлатии сармоягузорӣ ва идораи амволи давлатӣ, роҳбарони вилоятҳо, шаҳру ноҳияҳо, дигар идораҳои марбута ва соҳибкорону сармоягузорон супориш доданд, ки ҷиҳати таъсиси корхонаҳои саноатӣ бо технологияҳои муосир, муҳайё намудани ҷойҳои кории нав дар ин самт корро вусъат бахшанд.
Сарвари давлат ҳамзамон таъкид намуданд, ки барои таҳияву татбиқи соҳаи технология, аз ҷумла паркҳои технологӣ эътибори аввалиндараҷа дода шавад.
- Дар ин раванд, ба таъсиси маҷмааҳои саноатӣ, паркҳои технологӣ, таҳия ва татбиқ намудани лоиҳаҳои шарикии давлат ва бахши хусусӣ, ҷорӣ кардани технологияҳои инноватсионӣ, истифодаи таҷҳизоти каммасрафи барқӣ ва ҷалби боз ҳам бештари сармояи мустақим бояд эътибори аввалиндараҷа дода шавад.
ҲАДАФ - ТАЪСИСИ ҶОЙҲОИ НАВИ КОРӢ
“Яке аз роҳҳои асосии ҳалли ин масъала таъсис додани ҷойҳои нави корӣ дар саросари кишвар буда, бунёди корхонаҳои хурди истеҳсолӣ, марказҳои соҳибкорӣ, таъсиси бизнес - инкубаторҳо, паркҳои технологӣ ва дигар коргоҳҳои хурду миёна вазифаи сохтору мақомоти давлатӣ, аз ҷумла роҳбарони вилоятҳо ва шаҳру ноҳияҳо, инчунин соҳибкорон мебошад”.
Эмомалӣ Раҳмон
Ҳадафи аслии таъсиси чунин паркҳо дар кишвар ин афзоиши шумораи коргоҳу корхонаҳои истеҳсолӣ дар ҷумҳурӣ ва ҷалби бештари ҷавонон ба кор дар дохили кишвар арзёбӣ мегардад.
Ба гуфтаи Нуъмон Абдуғаффорзода, роҳбари Котиботи Шурои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ таъсиси паркҳои технологӣ, аз ҷумла технологияҳои иттилоотӣ метавонанд, дар ояндаи наздик дар ҳалли чунин масъалаҳои глобалӣ, аз қабили таъсиси ҷойҳои нави корӣ ва бо шуғл фаро гирифтани аҳолӣ мусоидат намояд. Ташаккул ва рушди низоми миллии тиҷорати рақамӣ; дастгирӣ ва роҳнамоии лоиҳаҳо-моделҳои тиҷоратии нав (Startup), афзоиши ҳиссаи технологияҳои инноватсионӣ дар маҷмуи маҳсулоти дохилӣ ва истеҳсоли маҳсулоти рақобатпазир, ки ба кишвар сармояи дохиливу хориҷиро ҷалб мекунад, мусоидати амиқ кунад.
- Рушди босуръати технологияҳои иттилоотию коммуникатсионӣ ва роҳандозии васеи инноватсия ба пешрафти маҷмуии мамлакат, аз ҷумла идоракунии самаранок, хизматрасониҳои электронӣ, содироти бештари молу хизматрасонӣ, таъсиси ҷойҳои нави корӣ, густариши фаъолияти фосилавӣ ва таҳсили фосилавӣ имкониятҳои васеъ фароҳам меорад.
Дар натиҷа, имкон фароҳам меояд, ки дар як қатор зербахшҳои соҳаи технологияҳои иттилоотию коммуникатсионӣ, аз қабили барномасозии компютерӣ бе сармоягузории пешакӣ фаъолияти самаранок роҳандозӣ гардида, даромади зиёд ба даст оварда шавад,- илова намуд номбурда.
ҶАЛБИ МУТАХАССИСОНИ ВАРЗИДА
“Замони муосир талаб мекунад, ки тамоми равандҳои иқтисодӣ ва хизматрасонӣ тавассути истифода аз технологияҳои рақамӣ ва иттилоотиву иртиботӣ дар заминаи инфрасохтори иттилоотӣ роҳандозӣ карда шаванд”.
Эмомалӣ Раҳмон
Бояд гуфт, ки рушди бемайлони соҳаи технологияҳои иттилоотию коммуникатсионӣ тавассути таъсис ва фаъолияти густурдаи паркҳои технологӣ, паркҳои технологияҳои иттилоотӣ, паркҳои илмию технологӣ, марказҳои инноватсионӣ ва ҳамгироии мутахассисони соҳавӣ таъмин карда мешавад.
Масъулини Корхонаи воҳиди давлатии “Шаҳри ҳушманд (Smart city)”-и шаҳри Душанбе зимни муаррифии лоиҳаи аввалин Парки технологӣ дар пойтахти мамлакат изҳор дош-та буданд, ки бунёди чунин паркҳо синтези ҳамгироии илм, маориф ва технологияҳои инноватсионӣ хоҳад буд.
- Паркҳои технологӣ шакли муосири ҳамгироии илм ва истеҳсолот ба ҳисоб рафта, бо мақсади вусъат бахшидани тадқиқот ва ҷорӣ намудани дастовардҳои илмию техникӣ ва технологӣ тавассути фаъолияти мутахассисони ташаббускор, доираҳои академикӣ, истифодаи васеи базаи истеҳсолӣ, таҷрибавӣ ва иттилоотӣ созмон дода мешавад. Ба истилоҳи дигар, паркҳои технологӣ маконест, ки мутахассисони болаёқат идеяҳои худро ба кори амалӣ табдил медиҳанд. Дар ҳамаи кишварҳои рушд-ёфта паркҳои технологӣ ҳамчун элементи калидии инфрасохтори иқтисодиёти муосири инноватсионӣ хизмат мекунанд,-омада буд дар хабарномаи “Шаҳри ҳушманд”.
Ҳамзамон гуфта мешавад, ки бо ба роҳ мондани паркҳои технологӣ дар кишвар мутахассисони баландихтисос ҷалб карда мешаванд, ки метавонанд ин соҳаро дар кившар боз ҳам рушд диҳанд.
- Дар парки технологӣ омӯзиши аҳолӣ ва ҷавонон бо мақсади ташаккули синфи муосири мутахассисони баландихтисос ба нақша гирифта шудааст. Барои ин онҳо бо ҷалби корхонаву мутахассисони пешқадам дарсҳои маҳорат, омӯзишҳо ва курсҳои такмили ихтисос, инчунин конфронсҳои илмию амалӣ ва машғулият ташкил менамоянд. Барои татбиқи муштараки лоиҳа сармоягузорони дохилӣ ва хориҷӣ ҷалб карда мешаванд,- мегӯяд Нуъмон Абдуғаффорзода.
ТАЪСИСИ ПАРКҲОИ ТЕХНОЛОГӢ ДАР МИНТАҚАҲО
“Тибқи нақша дар парки технологӣ бо ҷалби соҳибкорону дигар сарчашмаҳои маблағгузорӣ сохтмони 9 корхона ба нақша гирифта шудааст”.
Эмомалӣ Раҳмон
1 ноябри соли 2022 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Панҷи вилояти Хатлон ба корҳои сохтмонии парки технологии инноватсионӣ ҳусни оғоз бахшиданд.
Масоҳати парки технологии бунёдшаванда 3 гектарро ташкил намуда, дар он барои саноатикунонии босуръати мамлакат коргоҳу корхонаҳои нави истеҳсолӣ бунёд карда мешавад.
Тибқи нақша дар парки технологӣ бо ҷалби соҳибкорону дигар сарчашмаҳои маблағгузорӣ сохтмони 9 корхона ба нақша гирифта шудааст. Аз ҷумла, истеҳсоли орду равған, коркарди меваю сабзавот, тавлиди сачоқҳои яккарата, обҳои ташнашикан, маҳсулоти қаннодиву макаронӣ, масолеҳи сохтмонӣ, маҳсулоти хурокворӣ ва ғайра дар назар аст.
Сарвари давлат таъсиси парки технологиро дар ин ноҳияи дурдаст саривақтӣ арзёбӣ намуда, ба масъулин ҷиҳати бо сифат анҷом додани корҳои бунёдӣ ва дар оянда истеҳсоли маҳсулоти босифат ва зиёд намудани ҷойҳои нави корӣ дастур дода буданд.
Мутахассисон мегӯянд, даромади сокинони шаҳр ё ноҳияе, ки дар он парки технологӣ сохта мешавад, афзоиш хоҳад ёфт. Чун он барои ҷойҳои нави кории иловагии баландихтисос ва даромадҳои андоз, тавсеаи имконият барои фаъолияти соҳибкорӣ ва инноватсионӣ, болоравии нуфузи шаҳр (ноҳия) ва нигоҳ доштани ҷавонони ояндадор аз муҳоҷирати меҳнатӣ мусоидат менамояд.
Қаблан Президенти кишвар муҳтарам Эмомалӣ Раҳмон, дар шаҳри Остона, дар нахустин мулоқоти сарони давлатҳои Осиёи Марказӣ бо президенти Иттиҳоди Аврупо Шарл Мишел мулоқот карда, маҷмуи васеи масоили ҳамкории Тоҷикистон бо Иттиҳоди Аврупоро баррасӣ карданд, ки дар рафти мулоқот таҳкими шарикӣ бо Иттиҳоди Аврупо дар маблағгузории татбиқи лоиҳаҳои “Иқтисоди сабз”, “Иқтисоди рақамӣ”, таъсиси паркҳои технологӣ, технологияҳои рақамӣ ва ҷорӣ намудани низоми савдои электронӣ мавриди баррасӣ қарор гирифта буд.
Ҳамзамон, Тоҷикистон дар якҷоягӣ бо Русия азм доранд, бунёди паркҳои технологиро дар қаламрави Тоҷикистон ба роҳ монанд. Дар ин маврид раиси Кумитаи илм, маориф ва фарҳанги Шурои Федератсия Лилия Гумерова гуфтааст, ки агар ҷавонон ба лоиҳаҳо дар соҳаҳои илмию техникӣ шавқ дошта бошанд, дурнамои нек аст.
Вай таъкид намудаст, ҷавононе, ки ба лоиҳаҳои илмию техникии Тоҷикистону Русия таваҷҷуҳ доранд, метавонанд бо кори худ соҳибихтиёрии технологии ду кишварро таъмин намоянд.
Бояд гуфт, ки Ҷумҳурии Тоҷикистон барои рушди соҳаи технологияҳои иттилоотию коммуникатсионӣ ва инноватсионӣ заминаи меъёрии ҳуқуқӣ фароҳам оварда, Консепсияи ташаккули ҳукумати электронӣ, Барномаи давлатии рушд ва татбиқи технологияҳои иттилоотию коммуникатсионӣ дар Ҷумҳурии Тоҷикистон барои солҳои 2014-2017, Консепсияи сиёсати давлатии иттилоотии Ҷумҳурии Тоҷикистон, қонунҳои Ҷумҳурии Тоҷикистон “Дар бораи паркҳои технологӣ”, “Дар бораи фаъолияти инноватсионӣ”, Консепсияи иқтисоди рақамии Ҷумҳурии Тоҷикистон, Барномаи рушди инноватсионии Ҷумҳурии Тоҷикистон барои солҳои 2011-2020 ва дигар санадҳоро қабул кардааст ва татбиқи онҳо марҳила ба марҳила амалӣ шуда истодаанд.
Хабарҳои дигар
Рӯзнома
Эзоҳи худро нависед