Саридораи геологияи назди Ҳукумати Ҷумҳурии Тоҷикистон дар соли 2022 бо 78 ширкат шартномаи истифодабарии захираҳои табиӣ, ки дар он бонуси обунавӣ ба маблағи умумии 269 797 251 сомонӣ ва бонуси кашфи тиҷоратӣ ба маблағи умумии 59 297 сомонӣ, дар маҷмӯъ ба маблағи 269 856 548 сомониро ташкил медиҳад, ба имзо расонидааст.

Ин нуктаро Илҳомҷон Оймуҳаммадзода, сардори Саридораи геологияи назди Ҳукумати Ҷумҳурии Тоҷикистон зимни нишасти матбуотӣ 1 феврал иброз дошт.

Номбурда ҳамчунин қайд кард, ки бо мақсади иҷрои нақшаи чорабиниҳои саридора бахшида ба ҷашни 35-солагии Истиқлолияти давлатии Ҷумҳурии Тоҷикистон 4-5-уми августи соли 2022 дар шаҳри Душанбе "Конференсияи панҷуми байналмилалии истифодабарандагони Micromine" баргузор гардид, ки дар он оид ба имконияти истифодабарии барномаҳои Micromine, дар мисоли корхонаҳои саноати кӯҳии Қазоқистон, Ӯзбекистон, Қирғизистон, Тоҷикистон, Русия ва Австралия табодули афкор намуданд.

Ҳошим РАҲМАТУЛЛОЕВ, “ҶТ”