Қосим Вализода, намояндаи ширкати ҳавопаймоии ҶСК “Сомон Эйр” 10 феврали соли равон зимни нишасти матбуотӣ иброз намуд, ки оғоз аз моҳи март ба мусофирони ин ширкат ҳангоми парвоз хӯроки гарм дода мешавад. Намояндаи ширкат аз хӯроки гарм таъмин набудани мусофиронро ҳангоми парвоз то имрӯз таъсири бемории сироятии COVID-19 гуфт. Ӯ гуфт аз ин баъд хизматрасонӣ ҳангоми парвоз беҳтар мешавад.   

Тавре номбурда илова намуд, бо назардошти вазъи воқеӣ роҳбарияти “Сомон Эйр” дар соли гузашта бо ширкатҳои иҷорадиҳандаи ҳавопаймоҳо ҳамкориро оид ба иҷора гирифтани ҳавопаймоҳои навъи Боинг ба роҳ монда, ба мусофирон хизмат намуд.       

- Бояд қайд намуд, ки дар соли 2021 “Сомон Эйр” 1 млрд. 140 млн сомонӣ даромад ба даст авардааст, ки ин нисбати соли 2020 209 млн. сомонӣ зиёд мебошад,-илова кард Вализода.
   
Инчунин гуфта шуд, ки барои ба мусофирон боз ҳам хизматрасонии беҳтар намудан ин ширкат айни ҳол ду адад ҳавопаймои тамғаи “Боинг 732-900”, ду адад ҳавопаймои тамғаи “Боинг 737-800” ва ду адад ҳавопаймои “Боинг 737-300”-ро нигоҳдорӣ мекунад.