Соли 2016 идораи таҳияи филмҳо ва дубляжи МД “Телевизиони Сафина” силсилафилми бадеии “Духтарони гимнастбоз” иборат аз 48 қисм ва 66 филми бадеиро дар ҳаҷми 5296 дақиқа ё бештар аз 88 соат дар мавзуъҳои гуногун тарҷума ва дубляж карда, пешниҳоди бинандагон гардонд.

Зевар Давлатзода, директори Телевизиони “Сафина” иброз дошт, ки яке аз рӯйдоди фараҳбахш дар соли 2016 барои муассиса моҳи сентябр ба дарёфти ҷоизаи Фестивали шашуми байналмилалии “ТЭФИ - Содружество” ноил гардидани барномаи иттилоотии “Навид” мебошад.

Аз моҳи январи соли равон бахши техникии муассиса қисман бо дастгоҳҳои нав муҷаҳҳаз гардонда шуда, пахши барномаҳои иттилоотӣ дар формати HD ба роҳ монда шудааст.