Азим Иброҳим, вазири нақлиёти Ҷумҳурии Тоҷикистон 28 июл зимни нишасти хабарӣ таъкид дошт, ки дар шаш моҳи соли равон 70 фоизи борҳо дар интиқоли байналмилалии бор ба нақлиёти роҳи оҳан рост меояд.

Ӯ гуфт, тавассути роҳи оҳан зиёда аз 3,2 млн. тонна бор ва 215,2 ҳазор мусофир интиқол дода шудааст, ки нисбат ба ҳамин давраи соли гузашта боркашонӣ 16,6% зиёд ва мусофирбарӣ 100%-ро ташкил медиҳад.

Вазири нақлиёт ҳамзамон гуфт, ки дар ин давра миқдори содирот ба 515,5 ҳазор тонна, воридот 2690,7 ҳазор тонна ва боркашонии маҳаллӣ 137,3 ҳазор тонна расидааст. Воридот нисбат ба содирот 2175,2 ҳазор тонна ё 5,2 маротиба зиёд мебошад.

С. ҚИЁМИДДИН,
Р. ОДИНАЕВ, “ҶТ”