Нуриддин Саид, раиси Кумитаи телевизион ва радиои назди Ҳукумати Ҷумҳурии Тоҷикистон 26 июл зимни нишасти хабарӣ дар мавриди пахши бесифати телевизионҳои музофотӣ ибрози назар кард.

Ӯ гуфт: “Дар кишвар танҳо ду телевизион, яъне телевизионҳои “Кӯлоб” ва “Бадахшон” то ҳол ба формати рақамӣ нагузаштаанд”.

Бино ба гуфти раиси Кумита тибқи нақша моҳи октябри соли равон телевизиони “Кӯлоб” ва дар нимсолаи аввали соли 2024 телевизиони “Бадахшон” ба формати рақамӣ хоҳанд гузошт.

Дар идома бобати дар кадом сатҳ қарор доштани бинои истиқоматӣ барои кормандони кумита, ки мебоист соли равон ба истифода дода мешуд, таъкид гардид, ки он дар ҳолати сохтмон қарор дошта, умед аст то охири соли равон ба истифода дода шавад.

Я. МАҲМАДНАБИЕВ, “ҶТ”