ВАРЗИШ
Якшанбе 26 Май 2024 07:31
2085
Бо ибтикори Кумитаи ҷавонон, варзиш ва сайёҳӣ аз 17 то 20 декабри соли ҷорӣ дар толори варзишии Донишгоҳи техникии Тоҷикистон ба номи М.Осимӣ миёни идораҳои васоити ахбори омма мусобиқаи ҷумҳуриявӣ аз рӯи намуди тенниси рӯи миз баргузор гардид.

Дар он дастаҳо аз телевизионҳои “Синамо”, “Варзиш”, “Ҷаҳоннамо”, радиои “Тоҷикистон”, хабаргузории “Озодагон” ва ду даста аз идораи рӯзномаи “Ҷавонони Тоҷикистон” миёни ҳам дар ду давра даставӣ ва инфиродӣ рақобат намуданд.

иштирокчиён.gif

Аз ҳисоби даставӣ мақоми аввал насиби рӯзномаи “Озодагон” гардид. Ҷои дуюмро тими рӯзномаи “Ҷавонони Тоҷикистон” касб намуд. Зинаи сеюм бошад насиби телевизиони “Ҷаҳоннамо” гаридид.

Бозиҳои инфиродӣ ки рӯзи охири мусобиқа-20 декабр баргузор гашт, мақоми аввалро Зафар Аскар, намояндаи радиои Тоҷикистон касб намуд. Ҷойи дуюм насиби Ҳакими Даврон, намояндаи хабаргузории “Озодагон” зинаи сеюмро бошад Сафархӯҷа Ризоев, намояндаи телевизиони "Ҷаҳоннамо" иҳғол намуд.

Ҳасан.gif

Дар рақобатҳои омехта Ҷаҳоноро Шоҳқурбоновава Ҳакими Даврон ҷойи 1, Бахтовар Каримов ва Имомова мақоми 2, Муҳаммадамин Каримов ва Гулбаҳор Раҳмонова ҷойи сеюмро ишғол намуданд.

Ғолибон бо медалу ифтихорномаи Кумитаи ҷавонон, варзиш ва сайёҳӣ сарфароз гардиданд.



Эзоҳи худро нависед



Рамзҳо дар расм