Дар рӯзи дуюми мусобиқаи байналмилалии Гранд Слам оид ба дзюдо, ки дар шаҳри Екатеринбурги Русия баргузор гардид, Беҳрӯз Хоҷазода, паҳлавони номдори кишвар дар вазни 73 кило медали биринҷиро ба гардан овехт. 

Ин аввалин медали паҳлавони тоҷик дар мусобиқаҳои байналмилалӣ аз намуди гӯштини дзюдо мебошад.

Беҳрӯз дар қувваозмоиҳо 16 март бар варзишгарони Олмон (Роберт Бервиг), Юнон (Ҷорҷиос Маркариан) ғалаба карда, дар даври сеюм аз варзишгари Шведсия Томми Макиас, ки ғолиби ин вазн гардид, мағлуб шуд. Беҳрӯз Хоҷазода дар идома бар Виктор Стерпу аз Молдова ва Эдуардо Барбоса аз Бразил дастболо шуда, ҷои сеюмро ишғол кард.

Ба иттилои сомонаи расмии Кумитаи милии олимпии кишвар паҳлавони дигари тоҷик - Сомон Маҳмадбеков, ки дар вазни 73 кило ба майдон баромад, пас аз як ғалаба бар Ҳамсат Исоев аз Олмон дар даври дуюм аз Фабио Басилеи итолиёӣ, ки медали нуқраро сазовор шуд, шикаст хурд.

Дар рӯзи аввали мусобиқа 3 варзишгари мо – Далер Қурбонҷонов ва Комрон Мамадназаров дар вазни -60кг миёни мардҳо ва Шоҳида Қаландарова дар вазни -57кг миёни бонувон дар даври аввал аз ҳарифонашон шикаст хурданд.

Сеюмин мусобиқаи Гранд Слам дар соли 2019, 15 -17 баргузор гардид, ки  дар он 353 варзишгар (202 мард, 151 зан) аз 47 давлати дунё иштирок намуданд.