ВАРЗИШ
Душанбе 15 Апрел 2024 04:22
8599
Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон имрӯз зимни нишасти матбуотии ниҳодаш гуфт, ки варзишгарони тоҷик бо вуҷуди монеа ва садгузориҳое, ки дар баргузории мусобиқаҳои сатҳи байналмилалӣ буд, тавонистанд иштироки фаъол дошта бошанд ва аз ватану миллати худ ба таври шоиста намояндагӣ кунанд.

Ӯ гуфт: “Дар соли 2021 966 нафар варзишгари тоҷик дар мусобиқаҳои сатҳи байналмилалӣ иштирок намуда, аз ин шумора 398 медал ба хазинаи варзишии мамлакат ворид намуданд. Аз ин шумора 103 медали тилло, 121 нуқра ва 174 биринҷӣ мебошад”.

Ба гуфтаи А. Раҳмонзода аз намуди олимпии варзиш варзишгарон дар маҷмуъ 169 ва аз намудҳои ғайриолимпӣ бошад, 223 медал ба даст оварданд.

Тавре дар идомаи нишаст зикр шуд, Кумита дар соли 2021 баҳри таъмини оммавияти тарбияи ҷисмонӣ ва варзиш, ташвиқу таблиғи тарзи ҳаёти солим, ҷалби бештари наврасону ҷавонон ба варзиши касбӣ ва муҳайё намудани имкониятҳои мусоиди инфрасохторию ташкилӣ барои варзишгарон як қатор тадбирҳоро роҳандозӣ намуда аст.

Соли 2021 дар шаҳру ноҳияҳои ҷумҳурӣ 227 иншооти варзишӣ, аз ҷумла 7 варзишгоҳ, 163 майдончаи варзишӣ, 49 толори варзишӣ, 4 ҳавзи шиноварӣ ва 4 маҷмааи варзишии маркази солимгардонӣ бо харҷи зиёда аз 118 миллиону 56 ҳазор сомонӣ сохта ба истифода дода шудааст, ки аз ин 32 миллион ҳазор сомонӣ аз ҳисоби маблағҳои буҷавӣ ва 86 миллиону 56 ҳазор сомонӣ аз ҳисоби сарпарастон мебошад.

Абдулло Раҳмонзода илова кард, ки дар натиҷаи тадбирҳои андешида аз ҷониби Кумита, сохторҳои маҳаллӣ ва ташкилотҳои система дар соли 2021 дар маҷмуъ дар самти тарбияи ҷисмонӣ ва оммавияти варзиш 33 ҳазоруи 251 чорабиниҳои оммавӣ–варзишӣ, солимгардонӣ ва машқҳои пагоҳирӯзӣ бо фарогирии 3 миллиону 774 ҳазору 206 нафар наврасону ҷавонон ва аҳолӣ, аз ҷумла 447 ҳазору 32 нафар бонувон баргузор шудааст, ки аз лиҳози теъдод нисбат ба соли 2020 20 ҳазору 225 адад зиёд ва нисбат ба соли 2019, 16 ҳазору 430 зиёд аст.

Инчунин ҷиҳати марҳила ба марҳила доир намудани чорабиниҳои варзишии касбӣ дар марҳилаи мусобиқаҳои шаҳриву ноҳиявӣ 3075 ва даврҳои вилоятиву минтақавӣ 652 мусобиқаҳои варзишӣ баргузор гардид. Ҳамзамон, тибқи Тақвими ягонаи чорабиниҳои оммавию варзишӣ омодагию солимгардонӣ ва иштироки варзишгарону масъулони соҳаи варзиш дар чорабиниҳои сатҳи байналмилалӣ барои соли 2021, 163 адад мусобиқаҳои ҷумҳуриявӣ дар шакли Бозиҳои варзишии Ҷумҳурии Тоҷикистон, чемпионатҳои Ҷумҳурии Тоҷикистон ва мусобиқаҳои ҷумҳуриявӣ бо фарогирии 18 ҳазору 739 нафар баргузор карда шуд, ки аз шумораи умумии иштирокчиён 2908 нафарро бонувон ташкил медиҳанд.

Ҳамчунин гуфта шуд, ки ҷиҳати дар сатҳи зарурӣ муаррифӣ намудани Тоҷикистон тибқи нақшаҳои тақвимӣ нахустин маротиба мусобиқаи байналмилалӣ оид ба гӯштини миллӣ (гӯштинигирӣ) бахшида ба рӯзи Ваҳдати миллӣ, 2-юмин мусобиқаи байналмилалӣ оид ба гӯштини миллӣ (гӯштинигирӣ) бахшида ба 30-солагии Истиқлолияти давлатӣ, мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон, 8-умин мусобиқаи байналмилалӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон, 7 мусобиқаи байналмилалии рейтингӣ оид ба теннис баргузор гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.