13 июл мусобиқаи байналмилалӣ оид ба футбол барои дарёфти ҷоми шаҳрдори Остона бо пирӯзии тими мунтахаби ҷавонони Тоҷикистон (U-16) ба поён расид.

Тибқи иттилои Кумитаи миллии олимпии кишвар дар бозии ниҳоӣ футболбозони ҷавони Тоҷикистон зери роҳбарии сармураббӣ Зайниддин Раҳимов ба дарвозаи тими ҷавонони клуби футболи “Шахтёр”-и Қарағанда 5 голи беҷавоб заданд.

Нидоёр Забиров ду гол, Шарифбек Раҳматов, Суннатулло Исмоилов ва Муҳаммадалӣ Азизбеков якголӣ ба ҳадаф расонданд.

Тими ҷавонони кишвар то финал дар даври гурӯҳӣ бар дастаҳои Қазоқистон - “Иртиш U-17” (Павлодар) – 5:2 ва “Остона U-17” – 3:1 ғалаба карда, бо тими ҷавонони Қирғизистон (U-17) мусовӣ – 1:1 бозӣ кард.

Дар бозӣ барои ҷои сеюм дастаи мунтахаби ҷавонони Қирғизистон (U-17) бар тими мактаби захираҳои олимпии №8-и Остона ғалаба кард – 5:0.