Дар хариду фурӯши имсола ҳамлагари 28 солаи Аргентинӣ Гонсало Игуаин шомили сегонаи қиматтарин бозингар дар таърихи футбол шуд.

Дастаи “Ювентус”  Игуаинро ба маблағи 90 миллион евро аз “Наполи”  харидорӣ намуд.

Ин маблағро “ Ювентус” дар давоми ду мавсим (2016-17 ва 2017-18) ба “Наполи” месупорад. Дар як сол бозингар 7,5 миллион евро маблағ мегирад.

Ёдовар мешавем,ки Игуаинро “Наполи” аз “Реал” тобистони соли 2013 ба маблағи 37 миллион евро харидорӣ намуда буд.

Игуаин давоми се мавсим дар “ Наполи”  104 бози анҷом дода, 82 тӯб ба дарвозаи рақибон задааст.

Дар ҳоли ҳозир дар руйхати қиматтарин бозингарон Гарет Бэйл 100 миллион евро, Криштиан Роналдо 94 миллион евро ва Игуаин бо нархи 90 миллион евро пешсафанд.

Шаҳбоз КАРИМОВ, "ҶТ"