Дар шаҳри Хуҷанд таҳти раёсати Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумуҳурии Тоҷикистон ҷаласаи назоратӣ доир гардид.

Тавре Маркази таҳлил ва иттилооти Кумита менависад, дар ин ҷаласа Умед Раҳимзода, муовини раиси Иттифоқи ҷавонони Тоҷикистон, Бахтиёр Исматҷонов, сардори Раёсати кор бо ҷавонон ва варзиши вилояти Суғд ва мудирони бахшҳои кор бо ҷавонон ва варзиши шаҳру новоҳии вилоят иштирок доштанд.

Раиси Кумита зимни баргузории ҷаласа фаъолияти Раёсат ва бахшҳои кор бо ҷавонон ва варзиши вилоятро мавриди таҳлилу барасӣ қарор дода, рафти корбарӣ ва дар умум фаъолияти зерсохторҳои Кумитаро дар вилоят қаноатбахш арзёбӣ намуд.

Баъдан, роҳбари Раёсат ва мудирони бахшҳои Кумитаро дар вилоят ва шаҳру ноҳияҳои он вазифадор намуданд, ки корро аз дурдастарин гӯшаи вилоят сар карда, то марказҳои шаҳру ноҳияҳо соатҳои омӯзишии сиёсӣ, чорабиниҳои ватандӯстиву хештаншиносӣ ва мусобиқаҳои идонаи варзиширо ҷиҳати бедор намудани ҳисси ватандориву худогоҳии шаҳрвандон, бахусус ҷавонон тақвият бахшанд.

Ҳамзамон, раиси Кумита ба сардори Раёсат ва мудирони бахшҳои шаҳру ноҳияҳо барои сазовор истиқбол гирифтани ҷашни Наврӯзи байналмилалӣ, баргузории ҳамоишҳои илмиву омӯзишӣ дар доираи Рӯзи байналмилалии ҳифзи пиряхҳо, вобаста ба мулоқоти Пешвои миллат бо фаъолон, намояндагони ҷомеа ва ходимони дин ва Паёми солонаи Роҳбари давлат ба Маҷлиси Олӣ, роҳандозии соатҳои сиёсӣ дар қисмҳои низомӣ, ҳамкорӣ бо сохторҳои дахлдор дар самти даъвати баҳории наваскарон, ташкил ва эҳёи дигар намудҳои варзиши миллӣ, супоридан ва назорати ҷадвали гирандагони Стипендияи президентӣ ва баргузор намудани як зумра мусобиқаҳои варзиширо таъкид намуда, дар ин самт амр ва дастуру супоришҳои мушаххас доданд.