Сулаймони Ҷамшед, паҳлавони тоҷик дар Ҷоми Осиё оид ба ҷудо миёни наврасон медали тилло ба даст овард.

Ҷумҳурии моро дар ин мусобиқа 4 варзишгар: Сулаймони Ҷамшед дар вазни -60 кило, Ғаниҷон Ғаниев дар вазни -73 кило, Фаридун Холиқов дар вазни -81 кило ва Эмомризо Қурбонов дар вазни -90 кило намояндагӣ карданд.

Мусобиқа 21 июл дар Макао доир гашт, ки паҳлавонони тоҷик соҳиби 2 медал гардиданд.

 Сулаймони Ҷамшед дар мусобиқа ҳамаи ҳарифонашро мағлуб карда, сазовори медали тиллои мусобиқа гардид. Ӯ дар финал бар намояндаи Ҳиндустон Майанк Кадиан ғолиб омад. Ғаниҷон Ғаниев дар вазни худ ҷойи сеюмро ишғол намуда, медали биринҷӣ ба даст овард. Эмомризо Қурбонов ҷои панҷумро ишғол кард.

Ба иттиои Кумитаи миллии олимпии кишвар дар Ҷоми Осиё оид ба ҷудо миёни наврасон дар Макао 125 варзишгар (80 писар, 45 духтар) аз 29 давлати ҷаҳон иштирок карданд.