Бо ибтикори Бахши ҷавонон, варзиш ва сайёҳии шаҳри Кӯлоб мусобиқаи  кушоди минтақаи Кӯлоб оид ба “Шоҳмот“ байни наврасону ҷавонон баргузор шуд.

Ғиёсиддин Достиев, мудири Бахши ҷавонон, варзиш ва сайёҳии дар шаҳри Кӯлоб дар суҳбат гуфт, ки "Мақсад аз чунин мусобиқаҳои варзишӣ ин пешгирии ҷавонон аз шомилшавӣ ба гурӯҳҳои ифротгаро ва роҳҳои пешгирии зуҳуроти номатлуб мебошад. Бахши ҷавонон, варзиш ва сайёҳи дар шаҳри Кӯлоб чунин мусобиқаҳои варзиширо дар деҳотҳои дурдасти минтақа низ байни наврасон гузаронида истодааст".

Дар мусобиқа зиёда аз 70 нафар наврасон аз мактабҳои таҳсилоти миёнаи умумии шаҳр  иштирок доштанд. Ҳадафи гузаронидани мусобиқа ин муайян намудани узви дастаи мунтахаби минтақаи Кӯлоб мебошад.

Ғолибону мусобиқаи шоҳмот бо ифтихорномаҳои таъсиснамудаи Раёсати ҷавонон, варзиш ва сайёҳии шаҳр қадрдонӣ карда шуданд.

Умед Мирзоев, "ҶТ"