Ба ифтихори 25-солагии Истиқлолияти давлатии Тоҷикистон миёни корхонаву идораҳои шаҳри Турсунзода барои дарёфти Ҷоми раиси шаҳри Турсунзода мусобиқаи волейбол баргузор шуд.

Тавре Зубайдулло Маҳмадуллоев, мудири бахши таҳлилу иттилооти Кумитаи ҷавонон, варзиш ва сайёҳӣ иттилоъ дод, мусобиқа тибқи нақшаи чорабиниҳои Бахши ҷавонон, варзиш ва сайёҳии шаҳри Турсунзода бо мақсади рушди волейбол, тарғибу ташвиқи тарзи ҳаёти солим, ҷалб намудани аҳолӣ ва кормандони корхонаву ташкилотҳо ба варзиш амалӣ гардид.

Дар мусобиқа 15 даста иштирок намуданд. Дар натиҷа, дастаи Шабкаҳои барқи шаҳр сазовори ҷои аввал гардид. Мақомҳои дуюму сеюмро дастаҳои Беморхонаи марказии шаҳр ва КФОК "Обтаъминкунӣ"-и шаҳр соҳиб шуданд.