ВАРЗИШ
Якшанбе 07 Март 2021 10:37
5811
Шоми 1 май дар Варзишгоҳи марказии шаҳри Душанбе бозии даври сеюми марҳилаи гурӯҳии Ҷоми КФО-2019 миёни дастаҳои “Истиқлол” ва “Дордой” (Қирғизистон) доир гардид. Дар ин дидор “Истиқлол” тими “Дордой”-ро бо ҳисоби бузурги 4:1 мағлум намуда, мавқеашро дар садри ҷадвал мустаҳкам намуд.

Дар дақиқаи 15-уми дидор Алишер Ҷалилов аз пеналтӣ ҳисобро кушод. Дар дақиқаҳои охири қисми якум Фатҳулло Фатҳуллоев аз зарбаи ҷаримавии 11-метра голи дуюми “Истиқлол”-ро ба самар расонид. Дар дақиқаи 49-уми дидор легионери сербиягии “Истиқлол” Михайло Сакич ҳисобро 3:0 намуд. Дар нафасҳои охири бозӣ бошад, Шаҳром Самиев голи чоруми дастаашро ба ҳадаф расонида, пирӯзии бузурги “Истиқлол”-ро дар ин дидор таъмин намуд. Ягона голи “Дордой”-ро дар дақиқаи 50-ум Мирлан Мурзаев зад. 

Ҳамин тавр, баъд аз ин муваффақият дастаи “Истиқлол” бо касби 7 хол садрнишини гурӯҳи “D” боқӣ монд.
Бозиҳои даври чоруми Ҷоми КФО дар гурӯҳи “D” 15 май доир мегарданд. “Истиқлол” дар Бишкек бо “Дордой” (Қирғизистон), “Хуҷанд” дар Ашқобод бо “Олтин Асир” (Туркманистон) вомехӯранд.       

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.