Бо мақсади дар сатҳи баланд таҷлил намудани “Рўзи ҷавонони Тоҷикистон” дар доираи Нақшаи чорабиниҳо оид ба баргузории мусобиқаҳои оммавӣ – варзишӣ ва солимгардонӣ дар шаҳру ноҳияҳои ҷумҳурӣ бахшида ба «Рӯзи ҷавонони Тоҷикисон 23 – май» санаи 23 майи соли ҷорӣ дар саросари кишвар зиёда аз 464 мусобиқаҳои оммавӣ – варзишӣ ва солимгардонӣ бо фарогирии 61346 нафар, аз ҷумла 11451 нафар бонувон доир гардиданд.

Тибқи маълумотҳо аз шумораи умумии чорабиниҳои доиргардида дар ВМКБ 19 мусобиқаҳо бо иштироки 1491 нафар аз ҷумла 359 бонувон, дар вилояти Суғд 231 чорабиниҳо бо иштироки 19260 нафар аз ҷумла 5930 бонувон, дар вилояти Хатлон 93 чорабиниҳо бо иштироки 6558 нафар аз ҷумла 1150 нафар бонувон, шаҳру ноҳияҳои Душанбе 66 чорабиниҳо бо иштироки 5520 нафар аз ҷумла 1025 бонувон ва дар шаҳру ноҳияҳои тобеи ҷумҳурӣ 54 чорабиниҳо бо иштироки 28517 нафар аз ҷумла 2987 нафар бонувон баргузор карда шуданд.