Дар ҷамоати Поршиневи ноҳияи Шуғнон миёни ҳашт дастаи ҷавондухтарону писарони деҳаҳои ҷамоат мусобиқаи баскетбол гузаронида шуд. Онро  Бахши кор бо ҷавонон ва варзиши ноҳия ташкил намуда, ғолибон бо Ҷом, медал ва ифтихорномаҳои бахш сарфароз гаштанд.

Аз рӯи натиҷаҳои даври ниҳоӣ дастаи “Кушк” сазовори ҷои якуму ҷоми бахш ва тимҳои “Бувез” - у “Миденшорв” зинаҳои дуюму сеюмро ишғол намуданд.

Ба иттилои Аҳмадулло Маҳмадбунаев, мудири бахш чунин мусобиқаи омехта бо ҳадафи таҳкими тарзи ҳаёти солим ва рушди басткетбол дар деҳот рӯи кор омад.