Аз 29 апрел то 3 майи соли ҷорӣ бо ташаббуси Кумитаи ҷавонон, варзиш ва сайёҳӣ дар Мактаби махсуси варзишии бачагон ва наврасон оид ба футбол ва чавгони вилояти Суғд мусобиқаи ҷумҳуриявӣ оид ба чавгонбозӣ байни калонсолон (бонувон) бахшида ба 20 солагии ҷашни Вахдати миллӣ ва соли “Соли ҷавонон” доир гардид.

Дар мусобиқаи мазкур 5 даста, Хатлон, Суғд 1, Суғд 2, Душанбе 1 ва Душанбе 2 иштирок намуданд.

Дар натиҷа дастаи Хатлон (н.Ҳамадонӣ) ғолиби мусобиқаи мазкур шуда, ҷойи дуюм насиби дастаи Суғд-1 (н.Мастчоҳ) ва мақоми сеюмро дастаи Суғд – 2 (ш.Хуҷанд) соҳиб гардид.

Дар охир ба ғолибон ҷом, медал ва дигар тӯҳфаҳои хотиравӣ тақдим карда шуд.

Шералӣ АЗИМӢ, “ҶТ”