Тими мунтахаби Тоҷикистон оид ба футбол дар раддабандии нави Федератсияи байналмилалии футбол, ки 6 июл нашр гардид, аз байни 211 кишвари ҷаҳон бо гирифтани 179 имтиёз дар ҷои 149-ум қарор гирифт, ки назар ба моҳи гузашта 12 зина поён аст.

Дар феҳристи нави ФИФА мунтахаби Олмон баъди ба даст овардани Ҷоми Конфедератсияҳо бо 1609 хол дар мақоми аввал қарор дошта, тимҳои мунтахаби Бразилия ва Аргентина мутаносибан ҷойҳои дуюм ва сеюмро ишғол кардаанд.

Аз миёни тимҳои футболи Қораи Осиё мунтахаби Эрон бо 893 имтиёз дар ҷойи аввал қарор гирифт. Ҷойҳои дуюм ва сеюмро дастаҳои Австралия ва Ҷопон ишғол намудаанд.

Тими мунтахаби Тоҷикистон дар байни 46 дастаҳои Конфедератсияи футболи Осиё мақоми 28-умро касб намуд.

Ёдовар мешавем, ки радабандии FIFA аз соли 1993 ба ин сӯ тартиб дода шуда, имтиёзҳо ба кишварҳо аз рӯи натиҷаи дастаи мунтахаби миллиашон дар давраи чаҳор сол дода мешавад.

Тими мунтахаби Тоҷикистон дар радабандии ФИФА беҳтарини нишондодаш, июни соли 2013 мақоми 106-ум мебошад.

Шаҳбози АСОМИДДИН, “ҶТ”