Донишҷӯи факукултети баҳисобгирӣ ва андози Донишгоҳи давлатии ҳуқуқ, бизнес ва сиёсати Тоҷикистон, Чемпиони Тоҷикистон оид ба брекданс Саидакмал Саидзода дар чемпионати ҷаҳон оид ба брекданс дар шаҳри Прагаи Чехия иштирок мекунад.

Тавре аз донишгоҳи мазкур хабар доданд, сафари ӯ бо дастгирии молиявии Мақомоти иҷроияи ҳокимияти давлатии вилояти Суғд сурат мегирад.

Саидакмал Саидзода қаблан дар мусобиқаҳои байналмилалӣ оид ба брекданс дар шаҳрҳои Варшаваи Лаҳистон, Мински Белорус, Остонаи Қазоқистон ширкат варзидааст ва соли 2016 Чемпиони Тоҷикистон дар ин намуди варзиш гардид.

Саидакмал дар чемпионати ҷаҳон аз Тоҷикистон ягона намоянда аст.