САЙЁҲӢ
Панҷшанбе 23 Январ 2025 03:48
“Тоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад. Вобаста ба ин, зарур аст, ки бо мақсади боз ҳам тавсеа бахшидани соҳаи сайёҳӣ, истифодаи самараноки имкониятҳои мавҷуда дар ин самт, инкишофи инфрасохтори сайёҳӣ, беҳтар кардани сифати хизматрасонӣ, густариши раванди танзими давлатӣ ва дастгирии сайёҳии дохиливу хориҷӣ, ҷалби ҳарчи бештари сармоя дар ин самт ва омода кардани кадрҳои болаёқат соли 2017 дар назди Ҳукумати Тоҷикистон сохтори алоҳида оид ба соҳаи сайёҳӣ таъсис дода шавад”.
Аз Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 22.12.2016.
Тавре дар Паём гуфта шудааст, Ҳукумати мамлакат якҷо бо вазорату идораҳои марбута ва мақомоти иҷроияи маҳаллии ҳокимияти давлатӣ бо мақсади боз ҳам рушд додани соҳа ва истифодаи васеи имкониятҳои мавҷуда, рушди инфрасохтори сайёҳӣ, баланд бардоштани сифати хизматрасонӣ, густариши раванди танзими давлатӣ ва дастгирии сайёҳӣ, ҷалби ҳарчи бештари сармоя, бояд ҳамоҳангсозии фаъолияти ҳамаи сохтору мақомоти дахлдор ва омода намудани кадрҳои болаёқатро дар ин самт таъмин намоянд. Президенти кишвар рушди самти сайёҳии дохилӣ ва хориҷиро яке аз сарчашмаҳои асосии таъсиси ҷойҳои нави корӣ эълон намуда, таъкидан омода ва таъмин намудани кадрҳои болаёқат дар ин соҳаро яке аз шартҳои зарурӣ медонанд.
Нуктаи дигаи муҳими Паём таъсиси минтақаҳои туристӣ, яъне фаро гирифтани тамоми қаламрави Тоҷикистон ба иқтисодиёти туристӣ мебошад. Як гӯшаи зебои Тоҷикистони азиз Вилояти Мухтори Кӯҳистони Бадахшон аст, ки ҷаҳониён онро аксаран бо унвони Помир ёд мекунанд. Кӯҳҳои баланд, обҳои мусаффо, пиряхҳои бузург, рӯдҳои пуршӯру ғурури кӯҳӣ, ҳайвоноти нодир, вуҷуди забонҳои мутааддид ва қадимаи ҳиндуаврупоӣ, чеҳраҳои сирф тоҷикии мардуми муқими кӯҳистони Помир, фарҳанги қадимаи тоҷикон дар ин макон, обу ҳавои тоза таваҷҷуҳи ҳазорон сайёҳ ва ҷаҳонгардро ҷалб кардааст.
“Бояд гуфт, ки бо дарназардошти табиати нотакрор, кӯҳу қуллаҳои осмонбӯс ва мавзеъҳои таърихиву фарҳангӣ тараққӣ додани сайёҳӣ яке аз самтҳои афзалиятноки рушди иқтисодиёти вилоят ба ҳисоб меравад. Бадахшон бо кӯҳҳои зебоманзар ва ҷойҳои таърихиву табиати нотакрор ҳамчун яке аз мавзеъҳои нодири сайёҳиву кӯҳнавардӣ, шикор ва ҷамъоварии гиёҳҳои шифобахш дар ҷаҳон эътироф гардидааст”, - гуфта буд Пешвои миллат зимни мулоқот бо роҳбарону фаъолони Вилояти Мухтори Кӯҳистони Бадахшон, ки 10 октябри соли 2013 дар шаҳри Хоруғ баргузор шуда буд.
26 июни соли 2016 зимни ифтитоҳи бинои Маркази эҳёи ҳунарҳои мардумӣ ва рушди туризм дар Вилояти Мухтори Куҳистони Бадахшон Сардори давлат кормандони соҳаи сайёҳии вилоятро бо ба кор оғоз кардани нахустин чунин кохи ҷаҳонгардон дар қаламрави Тоҷикистон табрик гуфта таъкид дошт, ки барои фаъолияти пурсамари мутахассисон ҳам дар бахши сайёҳӣ ва ҳам дар самти соҳибкорӣ шароити хуби корӣ муҳайё гардидааст.
Президенти кишвар ба кормандони соҳаи сайёҳии вилоят, волонтёрон, ҷавонони ташаббускор рӯ оварда, қабл аз ҳама таъкид бар он дошт, ки соҳаи сайёҳӣ дар замони шӯравӣ дар Тоҷикистон махсус рушд дода намешуд. Вале ҳоло он яке аз самтҳои асосӣ ва стратегии иқтисодиёти кишвар маҳсуб шуда, дар иқтисодиёти Тоҷикистон асосан соҳаи нав аст. Бинобар ин, ин соҳа ба кадрҳои лоиқ ва замонавӣ, донишманд ва қобил ниёз дорад.
Кормандон ва волонтёрони Ассотсиасияи сайёҳии экологиву фарҳангии Помир (АСЭФП), ки яке аз созмонҳои бузургтарини соҳаи рушди сайёҳӣ ва ҷаҳонгардӣ дар қаламрави Вилояти Мухтори Кӯҳистони Бадахшон мебошад, суханони Президенти кишварро сармашқи кори худ карда, барои таъмини соҳа бо кадрҳои лоиқу пешрафта ва кордону корбар ҷидду ҷаҳди зиёд доранд.
Ба ақидаи раиси иҷроияи АСЭФП Асадшо Зоолшоев, азбаски туризм барои кишвари мо соҳаи нисбатан нав аст ва он қадар собиқаи тӯлонӣ ва бой надорад, барои кормандони соҳа қабл аз ҳама омӯхтани таҷрибаи пешрафтаи кишварҳои ҷаҳон, ки сайёҳӣ дар иқтисоди онҳо яке аз ҷойҳои асосиро ишғол мекунад, хеле муҳим аст. Аз ин нигоҳ омӯзишҳои кӯтоҳмуддат ва сафарҳои корӣ метавонанд ба маърифатнокии касбии кормандони соҳа таъсири мусбат ва самаранок расонанд.
Бо ин ҳадаф як гурӯҳ кормандони АСЭФП, намояндагони ширкатҳои туристии ВМКБ иборат аз шаш нафар ба наздикӣ ба шаҳрҳои гуногуни кишвари Олмон ва Швейтсария сафар карданд. Сафари кории ин гурӯҳ бо ду ҳадафи аслӣ анҷом шуд: омӯхтани таҷрибаи ширкатҳои туристии Олмон ва Швейтсария ва шинос кардани ин ширкатҳо бо имконоти мавҷудаи туристии Тоҷикистон, бахусус минтақаи Бадахшон.
Тавре роҳбари гурӯҳи таҷрибаомӯзӣ, раиси иҷроияи созмони АСЭФП Асадшо Зоолшоев иттилоъ дод, зимни сафар ҳайат ба ду зергурӯҳ ҷудо шуда, аз шаҳрҳои Венигерод, Берлин, Дрезден, Ҳамбург, Сюрих, Штутгард, Женева дидан карда, бо кормандони ширкатҳои туристӣ вохуриҳо ва нишастҳо баргузор карданд.
- Аксари ширкатҳое, ки моро пазируфтанд, ширкатҳои бузурги ҷаҳонӣ буданд, -мегӯяд яке аз ширкаткунандагони ин сафари омӯзишӣ Сафина Шоҳайдарова. - Туризм дар ин ду кишвар ҳақиқатан ҳам ба сатҳи олӣ рушд кардааст. Ҳарсола аз соҳаи туризми хориҷӣ ва дохилӣ миллионҳо евро ба даст меоранд. Рушди туризм ҳамеша дар зери назари мақомоти давлатӣ қарор гирифтааст ва ширкатҳо мудом аз ҷониби давлат дастгирии ҳуқуқӣ ва молӣ пайдо мекунанд. Ба ман хусусан ташриф ба ширкатҳои ҷаҳонии “Диамир” ва “Глоба Тротэ”, BMZ хеле ҷолиб буд. Дар вохӯриҳо мо аз суҳбатҳои пурмӯҳтавои кормандон ва мутахассисони ин ширкатҳо як дунё иттилоот гирифтем ва дониши мо албатта дар соҳаи сайёҳӣ хеле такмил ефт.
-Мо тавонистем дар шаҳрҳои Берлин, Дрезден аудиторияҳои калонро ҷамъ карда, ба онҳо дар бораи имконоти туристии Тоҷикистон маълумот диҳем. Ман эҳсос кардам, ки шавқмандони дидани кишвари мо дар он мамлакатҳо чӣ қадар зиёданд. Вале афсӯс дар бораи Тоҷикистони мо дар ин мамлакатҳо хеле кам медонанд. Бисёриҳо ҳатто гумон мекунанд, ки Тоҷикистон ҳанӯз ҳам дар гирдоби ҷанги шаҳрвандӣ давр мехӯрад, -мегӯяд Асадшо Зоолшоев. - Зимни сафар мо тавонистем бо чанд ширкати тиҷоратӣ барои фиристодани сайёҳон ба Тоҷикистон шартнома бубандем.
Ҳайати таҷрибаомӯзони тоҷикро Сафири мухтор ва фавқулодаи Ҷумҳурии Тоҷикистон дар Ҷумҳурии Федеративии Олмон Маликшо Неъматов ба ҳузур пазируфта, барои онҳо имконият фароҳам овард то бо дӯстони Тоҷикистон аз ҷумлаи масъулон ва намояндагони ширкатҳои бахши туризм дар Олмон суҳбат ва нишастҳои судовар дошта бошанд.
Сафир дар ин вохӯриҳо дар бораи нақши созмони АСЭФП барои бори аввал ташкил кардани ширкати Ҷумҳурии Тоҷикистон дар Намоишгоҳи сайёҳии Берлин, ки ҳар сол бо иштироки ширкатҳои туристии тамоми ҷаҳон баргузор мешавад, ёдрас шуда, ҳамчунин ба хизматҳои мутахассисони олмонӣ дар соҳаи рушди туризм, ки ба ҳайси мушовир дар Тоҷикистон фаъолият мебаранд, изҳори сипос намуд.
Таҷрибаомӯзон зимни сафар бо масъалаҳои муҳим, амсоли қабули сайёҳон дар майдонҳои ҳавоӣ, хидматрасонӣ бо мошин, тарзи роҳбаладӣ, усули кори меҳмонхонаҳо ошно гардиданд.
Таҷрибаи дигари хуби ин кишварҳо фаъолияти шӯроҳои сайёҳӣ дар минтақаҳо аст, ки аз ҷумлаи кормандони ширкатҳои туристӣ, иқтисоддонҳо, олимон, рӯзноманигорон таъсис шудаанд. Ин шӯроҳо мунтазам вохӯриҳо баргузор карда, пешравию норасоиҳои соҳа дар маҳалро таҳлил ва баррасӣ мекунанд.
Роҳбари гурӯҳи таҷрибаомӯзон дар кишварҳои Олмон ва Швейтсария Асадшо Зоолшоев мегӯяд, нуктаҳои зиёди ҷолиб, ки зимни сафар ба ин кишварҳо дида ва мушоҳида шуд ва бисёре аз таҷрибаҳои муфид, ки дар Тоҷикистон ҳам ҷорӣ кардани он аз манфиат холӣ нест, дар шакли хаттӣ ба мақомоти маҳалии иҷроияи ҳокимияти давлатии ВМКБ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон пешниҳод хоҳад шуд.
Сайфиддин СУННАТӢ,
Қурбон АЛАМШОЕВ
Аз Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 22.12.2016.
Тавре дар Паём гуфта шудааст, Ҳукумати мамлакат якҷо бо вазорату идораҳои марбута ва мақомоти иҷроияи маҳаллии ҳокимияти давлатӣ бо мақсади боз ҳам рушд додани соҳа ва истифодаи васеи имкониятҳои мавҷуда, рушди инфрасохтори сайёҳӣ, баланд бардоштани сифати хизматрасонӣ, густариши раванди танзими давлатӣ ва дастгирии сайёҳӣ, ҷалби ҳарчи бештари сармоя, бояд ҳамоҳангсозии фаъолияти ҳамаи сохтору мақомоти дахлдор ва омода намудани кадрҳои болаёқатро дар ин самт таъмин намоянд. Президенти кишвар рушди самти сайёҳии дохилӣ ва хориҷиро яке аз сарчашмаҳои асосии таъсиси ҷойҳои нави корӣ эълон намуда, таъкидан омода ва таъмин намудани кадрҳои болаёқат дар ин соҳаро яке аз шартҳои зарурӣ медонанд.
Нуктаи дигаи муҳими Паём таъсиси минтақаҳои туристӣ, яъне фаро гирифтани тамоми қаламрави Тоҷикистон ба иқтисодиёти туристӣ мебошад. Як гӯшаи зебои Тоҷикистони азиз Вилояти Мухтори Кӯҳистони Бадахшон аст, ки ҷаҳониён онро аксаран бо унвони Помир ёд мекунанд. Кӯҳҳои баланд, обҳои мусаффо, пиряхҳои бузург, рӯдҳои пуршӯру ғурури кӯҳӣ, ҳайвоноти нодир, вуҷуди забонҳои мутааддид ва қадимаи ҳиндуаврупоӣ, чеҳраҳои сирф тоҷикии мардуми муқими кӯҳистони Помир, фарҳанги қадимаи тоҷикон дар ин макон, обу ҳавои тоза таваҷҷуҳи ҳазорон сайёҳ ва ҷаҳонгардро ҷалб кардааст.
“Бояд гуфт, ки бо дарназардошти табиати нотакрор, кӯҳу қуллаҳои осмонбӯс ва мавзеъҳои таърихиву фарҳангӣ тараққӣ додани сайёҳӣ яке аз самтҳои афзалиятноки рушди иқтисодиёти вилоят ба ҳисоб меравад. Бадахшон бо кӯҳҳои зебоманзар ва ҷойҳои таърихиву табиати нотакрор ҳамчун яке аз мавзеъҳои нодири сайёҳиву кӯҳнавардӣ, шикор ва ҷамъоварии гиёҳҳои шифобахш дар ҷаҳон эътироф гардидааст”, - гуфта буд Пешвои миллат зимни мулоқот бо роҳбарону фаъолони Вилояти Мухтори Кӯҳистони Бадахшон, ки 10 октябри соли 2013 дар шаҳри Хоруғ баргузор шуда буд.
26 июни соли 2016 зимни ифтитоҳи бинои Маркази эҳёи ҳунарҳои мардумӣ ва рушди туризм дар Вилояти Мухтори Куҳистони Бадахшон Сардори давлат кормандони соҳаи сайёҳии вилоятро бо ба кор оғоз кардани нахустин чунин кохи ҷаҳонгардон дар қаламрави Тоҷикистон табрик гуфта таъкид дошт, ки барои фаъолияти пурсамари мутахассисон ҳам дар бахши сайёҳӣ ва ҳам дар самти соҳибкорӣ шароити хуби корӣ муҳайё гардидааст.
Президенти кишвар ба кормандони соҳаи сайёҳии вилоят, волонтёрон, ҷавонони ташаббускор рӯ оварда, қабл аз ҳама таъкид бар он дошт, ки соҳаи сайёҳӣ дар замони шӯравӣ дар Тоҷикистон махсус рушд дода намешуд. Вале ҳоло он яке аз самтҳои асосӣ ва стратегии иқтисодиёти кишвар маҳсуб шуда, дар иқтисодиёти Тоҷикистон асосан соҳаи нав аст. Бинобар ин, ин соҳа ба кадрҳои лоиқ ва замонавӣ, донишманд ва қобил ниёз дорад.
Кормандон ва волонтёрони Ассотсиасияи сайёҳии экологиву фарҳангии Помир (АСЭФП), ки яке аз созмонҳои бузургтарини соҳаи рушди сайёҳӣ ва ҷаҳонгардӣ дар қаламрави Вилояти Мухтори Кӯҳистони Бадахшон мебошад, суханони Президенти кишварро сармашқи кори худ карда, барои таъмини соҳа бо кадрҳои лоиқу пешрафта ва кордону корбар ҷидду ҷаҳди зиёд доранд.
Ба ақидаи раиси иҷроияи АСЭФП Асадшо Зоолшоев, азбаски туризм барои кишвари мо соҳаи нисбатан нав аст ва он қадар собиқаи тӯлонӣ ва бой надорад, барои кормандони соҳа қабл аз ҳама омӯхтани таҷрибаи пешрафтаи кишварҳои ҷаҳон, ки сайёҳӣ дар иқтисоди онҳо яке аз ҷойҳои асосиро ишғол мекунад, хеле муҳим аст. Аз ин нигоҳ омӯзишҳои кӯтоҳмуддат ва сафарҳои корӣ метавонанд ба маърифатнокии касбии кормандони соҳа таъсири мусбат ва самаранок расонанд.
Бо ин ҳадаф як гурӯҳ кормандони АСЭФП, намояндагони ширкатҳои туристии ВМКБ иборат аз шаш нафар ба наздикӣ ба шаҳрҳои гуногуни кишвари Олмон ва Швейтсария сафар карданд. Сафари кории ин гурӯҳ бо ду ҳадафи аслӣ анҷом шуд: омӯхтани таҷрибаи ширкатҳои туристии Олмон ва Швейтсария ва шинос кардани ин ширкатҳо бо имконоти мавҷудаи туристии Тоҷикистон, бахусус минтақаи Бадахшон.
Тавре роҳбари гурӯҳи таҷрибаомӯзӣ, раиси иҷроияи созмони АСЭФП Асадшо Зоолшоев иттилоъ дод, зимни сафар ҳайат ба ду зергурӯҳ ҷудо шуда, аз шаҳрҳои Венигерод, Берлин, Дрезден, Ҳамбург, Сюрих, Штутгард, Женева дидан карда, бо кормандони ширкатҳои туристӣ вохуриҳо ва нишастҳо баргузор карданд.
- Аксари ширкатҳое, ки моро пазируфтанд, ширкатҳои бузурги ҷаҳонӣ буданд, -мегӯяд яке аз ширкаткунандагони ин сафари омӯзишӣ Сафина Шоҳайдарова. - Туризм дар ин ду кишвар ҳақиқатан ҳам ба сатҳи олӣ рушд кардааст. Ҳарсола аз соҳаи туризми хориҷӣ ва дохилӣ миллионҳо евро ба даст меоранд. Рушди туризм ҳамеша дар зери назари мақомоти давлатӣ қарор гирифтааст ва ширкатҳо мудом аз ҷониби давлат дастгирии ҳуқуқӣ ва молӣ пайдо мекунанд. Ба ман хусусан ташриф ба ширкатҳои ҷаҳонии “Диамир” ва “Глоба Тротэ”, BMZ хеле ҷолиб буд. Дар вохӯриҳо мо аз суҳбатҳои пурмӯҳтавои кормандон ва мутахассисони ин ширкатҳо як дунё иттилоот гирифтем ва дониши мо албатта дар соҳаи сайёҳӣ хеле такмил ефт.
-Мо тавонистем дар шаҳрҳои Берлин, Дрезден аудиторияҳои калонро ҷамъ карда, ба онҳо дар бораи имконоти туристии Тоҷикистон маълумот диҳем. Ман эҳсос кардам, ки шавқмандони дидани кишвари мо дар он мамлакатҳо чӣ қадар зиёданд. Вале афсӯс дар бораи Тоҷикистони мо дар ин мамлакатҳо хеле кам медонанд. Бисёриҳо ҳатто гумон мекунанд, ки Тоҷикистон ҳанӯз ҳам дар гирдоби ҷанги шаҳрвандӣ давр мехӯрад, -мегӯяд Асадшо Зоолшоев. - Зимни сафар мо тавонистем бо чанд ширкати тиҷоратӣ барои фиристодани сайёҳон ба Тоҷикистон шартнома бубандем.
Ҳайати таҷрибаомӯзони тоҷикро Сафири мухтор ва фавқулодаи Ҷумҳурии Тоҷикистон дар Ҷумҳурии Федеративии Олмон Маликшо Неъматов ба ҳузур пазируфта, барои онҳо имконият фароҳам овард то бо дӯстони Тоҷикистон аз ҷумлаи масъулон ва намояндагони ширкатҳои бахши туризм дар Олмон суҳбат ва нишастҳои судовар дошта бошанд.
Сафир дар ин вохӯриҳо дар бораи нақши созмони АСЭФП барои бори аввал ташкил кардани ширкати Ҷумҳурии Тоҷикистон дар Намоишгоҳи сайёҳии Берлин, ки ҳар сол бо иштироки ширкатҳои туристии тамоми ҷаҳон баргузор мешавад, ёдрас шуда, ҳамчунин ба хизматҳои мутахассисони олмонӣ дар соҳаи рушди туризм, ки ба ҳайси мушовир дар Тоҷикистон фаъолият мебаранд, изҳори сипос намуд.
Таҷрибаомӯзон зимни сафар бо масъалаҳои муҳим, амсоли қабули сайёҳон дар майдонҳои ҳавоӣ, хидматрасонӣ бо мошин, тарзи роҳбаладӣ, усули кори меҳмонхонаҳо ошно гардиданд.
Таҷрибаи дигари хуби ин кишварҳо фаъолияти шӯроҳои сайёҳӣ дар минтақаҳо аст, ки аз ҷумлаи кормандони ширкатҳои туристӣ, иқтисоддонҳо, олимон, рӯзноманигорон таъсис шудаанд. Ин шӯроҳо мунтазам вохӯриҳо баргузор карда, пешравию норасоиҳои соҳа дар маҳалро таҳлил ва баррасӣ мекунанд.
Роҳбари гурӯҳи таҷрибаомӯзон дар кишварҳои Олмон ва Швейтсария Асадшо Зоолшоев мегӯяд, нуктаҳои зиёди ҷолиб, ки зимни сафар ба ин кишварҳо дида ва мушоҳида шуд ва бисёре аз таҷрибаҳои муфид, ки дар Тоҷикистон ҳам ҷорӣ кардани он аз манфиат холӣ нест, дар шакли хаттӣ ба мақомоти маҳалии иҷроияи ҳокимияти давлатии ВМКБ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон пешниҳод хоҳад шуд.
Сайфиддин СУННАТӢ,
Қурбон АЛАМШОЕВ
Хабарҳои дигар
Рӯзнома
Эзоҳи худро нависед