Ин суоле буд, ки имрӯз хабарнигорон дар нишасти матбуотии Кумитаи рушди сайёҳии назди Ҳукумати Ҷумҳурии Тоҷикистон ба масъулин пешниҳод карданд.

Дар посух ба ин суол Муминзод Камолиддин, раиси Кумитаи рушди сайёҳии назди Ҳукумати Ҷумҳурии Тоҷикистон гуфт: “Тамоми минтақаҳои кишвари мо барои сайёҳон ҷолиб аст. Аммо минтақаи ВМКБ бошад, барои сайёҳони пиёдагардӣ ва саргузаштӣ боз ҷолибтар аст. Зеро шоҳроҳи М-41 мегӯяд, ки он дар Бадахшон ҷойгир аст. Шоҳроҳи мазкур доимо ба даҳгонаи беҳтарин шоҳроҳҳо ворид мешавад ва сайёҳони саргузаштӣ, ки дар ҷаҳон бисёр номӣ ҳастанд, орзу мекунанд, ки дар ҳаёташон як бор ин шоҳроҳро тай кунанд. Барои ҳамин минтақаи ВМКБ назар ба дигар минтақаҳои кишвари азизамон ба чунин сайёҳон ҷолибтаранд”.

Дар идомаи нишасти хабарии ниҳоди мазкур гуфта шуд, ки имрӯз сайёҳон баробари минтақаҳои сайёҳии Бадахшон, аз ёдгории таърихии “Саразм” дар вилояти Суғд, кӯҳи “Чилдухтарон” дар минтақаи Хатлон ва дигар минтақаҳои кишвар низ зиёд дидан мекунанд.