Корвони хаёли мусаввирони ҷавони Тоҷикистон дар намоишгоҳи мусаввараҳои сайёр, ки аз 13 то 20 феврали соли 2019 (аз соати 09-00 то 16-00) дар Театри Конибодом баргузор мегардад, ба намоиш гузошта хоҳад шуд.

Дар намоишгоҳ баргузидатарин мусаввараҳои 10 тан аз рассомони ҷавони кишвар, аз қабили Наим Мӯъминов, Далер Усмонов, Мақсуд Мирмуҳаммадов, Мизроб Холов, Евгений Фоменко, Абдуҷаббор Раҳматов, Тимур Маҳкамов, Носир Мӯъминов, Ғайрат Усмонов ва Фарҳод Сатторов пешкаши ҳаводорони санъати тасвирӣ карда мешавад.

Ба таъкиди масъулин баргузории чунин намоишгоҳҳо дар рушди ҳунари ҳунармандони ҷавон, махсусан рассомони ҷавон мусоидат хоҳад кард. Корвони хаёли рассомони ҷавон пас аз Конибодом дар шаҳрҳои Истаравшан ва Бохтар низ ба намоиш гузошта хоҳад шуд.