Имрӯз, 13 март ҷавонони Клуби ризокорони Шуъбаи кор бо ҷавонони Донишгоҳи давлатии Хоруғ ба номи М. Назаршоев таҳти унвони “Тозагӣ гарави саломатист!” аксияи тозагиро баргузор намуданд.

Дар ҷараёни аксия зиёда аз 30 нафар ширкат варзида, қариби 5 километри

соҳили дарёи Ғундро аз ахлот ва партовҳо тозаву озод карданд.

Юсуф Асадбеков, ташаббускори чорабинӣ ва мудири Шуъба гуфт, ки дар рафти аксия ҳамчунин ба ҷавонону наврасон, сокинони ВМКБ оид ба риояи тозагии муҳити зист ва маданияти шаҳрдорӣ корҳои фаҳмондадиҳӣ гузаронида шуд.

Дар назар аст, ки чунин аксия дар ояндаи наздик бо иштироки бештари ҷавонону донишҷӯён доир мегардад.